Vladimir Parfyonov
| Vladimir Parfyonov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 SSSR Oʻzbekiston |
| Tavallud sanasi | 17-iyun 1970-yil |
| Sport | |
| Qaysi sport | yengil atletikachi |
| Sport mukofotlari | ||
|---|---|---|
| Osio chempionati | ||
| Kumush | Manila 1993 | nayza |
| Osio o‘yinlari | ||
| Kumush | Xirosima 1994 | nayza |
Vladimir Parfyonov ( 1970-yil 17-iyun) — sovet va o‘zbek yengil atletikachisi, nayza uloqtirish bo‘yicha ixtisoslashgan. XXVI yozgi Olimpiya o‘yinlari ishtirokchisi, Osiyo chempionati va Osiyo o‘yinlari sovrindori sanaladi.
Sport faoliyati[tahrir | manbasini tahrirlash]
1989-yilda Odessada (Ukraina SSR) bo‘lib o‘tgan Butunittifoq musobaqalarida nayza uloqtirishda 74.22 metr natija bilan birinchi o‘rinni egalladi. 1992-yilda Olmaotadagi (Qozog‘iston) xalqaro musobaqalarda birinchi o‘rinni egalladi.
1993-yilda Manilada (Filippin) o‘tkazilgan yengil atletika bo‘yicha Osiyo chempionatida nayza uloqtirishda 77.32 metr natija qayd etib, kumush medalga sazovor bo‘ladi[1]. Biroq Shtutgartda (Germaniya) yengil atletika bo‘yicha o‘tkazilgan jahon chempionatida u omadsiz ishtirok etgani bois saralash bosqichida 70.88 metr natija bilan atigi 38-o‘rinni egalladi[2].
Vladimir Parfyonov 1994-yilda Xirosimadagi (Yaponiya) yozgi Osiyo o‘yinlarida nayza uloqtirish bahslarida 81.66 metr natija bilan kumush medalni qo‘lga kiritadi[3]. Toshkentda bo‘lib o‘tgan mamlakat chempionatida birinchi o‘rinni egalladi. 1995-yilda u Ispaniyada o‘tkazilgan turnirda birinchi o‘ringa munosib ko‘riladi va Gyoteborgda (Shvesiya) yengil atletika bo‘yicha o‘tkazilgan jahon chempionatida yana ishtiroki muvaffaqiyatsiz bo‘lib, ikkinchi saralash guruhida atigi o‘n uchinchi o‘rinni egalladi[4] .
1996-yilda Atlantadagi (AQSH) Yozgi Olimpiya o‘yinlarida u nayzani 73.96 metrga uloqtiradi va umumiy saralashda atigi 27-o‘rinni egalladi[5]. 1997-yilda Toshkentda birinchi o‘rin sohibi, lekin Afinadagi (Gresiya) jahon chempionatida yana omadsiz chiqish qiladi[6]. Kelgusi yili Olmaotada (Qozog‘iston) “Gusman Kusanov hotirasiga bag‘ishlangan” xalqaro turnirida 74.45 metr natija bilan ikkinchi o‘ringa loyiq qo‘riladi.
2000-yilda Flandriya kubogida (Belgiya) ikkinchi, Belgiya chempionatida birinchi o‘rinni, 2006-yilda Parfyonov Belgiya klublar chempionatida ikkinchi, 2008-yilda uchinchi o‘rinni egalladi. 2016-yilda Belgiya chempionatida uchinchi o‘ringa sazovor bo‘ladi[7].
Manbalar[tahrir | manbasini tahrirlash]
- ↑ „Asian Championships“. www.gbrathletics.com. 2018-yil 23-sentyabrda asl nusxadan arxivlangan. Qaraldi: 2021-yil 27-avgust.
- ↑ „Past Results“. web.archive.org (2004-yil 12-dekabr). 2004-yil 12-dekabrda asl nusxadan arxivlangan. Qaraldi: 2021-yil 27-avgust.
- ↑ „Athletics“. web.archive.org (1997-yil 4-avgust). 1997-yil 4-avgustda asl nusxadan arxivlangan. Qaraldi: 2021-yil 27-avgust.
- ↑ „Men Javelin Throw Athletics V World Championship 1995 Goteborg, Sweden - Sunday 13.08 - Gold Medal: Jan Zelezny, Czechia“. todor66.com. 2021-yil 12-avgustda asl nusxadan arxivlangan. Qaraldi: 2021-yil 27-avgust.
- ↑ „Olympic Games 1996 Atlanta Athletics“. web.archive.org (2007-yil 30-sentyabr). 2007-yil 30-sentyabrda asl nusxadan arxivlangan. Qaraldi: 2021-yil 27-avgust.
- ↑ „Men Javelin Throw Athletics VI World Championship 1997 Athens (GRE) - Tuesday 05.08 - Gold Medal: Marius Corbett, South Africa“. todor66.com. 2021-yil 12-dekabrda asl nusxadan arxivlangan. Qaraldi: 2021-yil 27-avgust.
- ↑ „Архивированная копия“. 2016-yil 19-dekabrda asl nusxadan arxivlangan. Qaraldi: 2021-yil 27-avgust.