Vitaliy Polyanskiy
| Vitaliy Aleksandrovich Polyanskiy | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Ukraina → Kanada |
| Tavallud sanasi |
26-yanvar 1981-yil DnepropetrovskUkraina SSR |
| Sport | |
| Qaysi sport | Dzyudo |
Vitaliy Aleksandrovich Polyanskiy (1981- yil 26-yanvar, Dnepropetrovsk) — ogʻir vazn toifasidagi ukrainalik va kanadalik dzyudochi, 2000-yillarda Ukraina, keyin esa Kanada milliy terma jamoalarida chiqish qiladi. Afinadagi yozgi Olimpiya oʻyinlari ishtirokchisi, Bangkokdagi Universiada bronza medali sovrindori, koʻpgina milliy va xalqaro ahamiyatga molik turnirlar gʻolibi. Ukraina xalqaro toifadagi sport ustasi.
Tarjimai hol[tahrir | manbasini tahrirlash]
Vitaliy Polyanskiy 1981-yil 26-yanvarda Ukraina SSRning Dnepropetrovsk shahrida dunyoga keladi.
Oʻsmirlar darajasida u ilk marta 2000-yilgi mavsumda yengil vazn toifasida Yevropa chempionatida bronza medalini qoʻlga kiritganida oʻzini tanitadi. Bir yil oʻtgach, u kattalar oʻrtasidagi jahon Kubogida debyut chiqish qiladi, Myunxendagi bahsida yettinchi oʻrinni egallaydi. 2003-yilda Vitaliy Tbilisi va Rimda boʻlib oʻtgan Jahon kubogi bosqichlarida mos ravishda beshinchi va yettinchi oʻrinni oladi, shundan soʻng u ogʻir vazn toifasida ringga koʻtariladi.
2004-yilda Dnepropetrovskdagi dzyudo boʻyicha Ukraina chempionatida ogʻir vazn toifasida ikkinchi oʻrinni munosib koʻriladi. Bir qator muvaffaqiyatli chiqishlari tufayli u 2004-yilda Afinada oʻtkazilgan Yozgi Olimpiya oʻyinlarida mamlakat sharafini himoya qilish huquqiga ega boʻladi — u yerda birinchi raqibini magʻlub etadi, ammo keyin 1/16 final bosqichida italiyalik Paolo Byankessiga imkoniyatni boy berib qoʻyadi. Uchinchi oʻrin uchun oʻtkazilgan tasalli janglarda u koreyalik Kim Sonbomga yengiladi va shu tariqa sovrindorlar qatoridan joy ololmaydi.
Afina Olimpiadasidan keyin u Ukraina milliy terma jamoasining asosiy tarkibida qoladi va yirik xalqaro turnirlarda ishtirok etishda davom etdi. Shunday qilib, 2005-yilda Doneskdagi Ukraina chempionatida u bir vaqtning oʻzida ikkita yoʻnalishda, mutlaq va ogʻir vazn toifalarida gʻalabaga erishadi.
2006-yilda Polyanskiy tanasida taqiqlangan stanazalol pereparati aniqlangani uchun doping iste’mol qilganlikda ayblangan va sportdan vaqtincha chetlashtirilgan[1]. Yillik diskvalifikasiyadan soʻng u katta sportga qaytadi. U 2007-yilda Bangkokdagi yozgi Universiadaning bronza medali sovrindori boʻladi. Kelgusi mavsumda Xarkovdagi Ukraina chempionatida u ogʻir vazn toifasida uchinchi boʻladi. Vitaliyga sport sohasida koʻrsatgan yutuqlari uchun „Ukrainaning xalqaro toifadagi sport ustasi“ faxriy unvoni beriladi.
2009-yilgi Jahon chempionatida ishtirok etgach, u Kanadaga ketib, shu yerning fuqaroligini oladi. U Kanada jamoasini bir nechta xalqaro turnirlarda himoya qilgan, xususan, Ontario va Kvebek ochiq chempionatlarida gʻalaba qozongach, 2010-yilda ogʻir vazn toifasida Kanada chempionligiga erishadi.
Ayni vaqtda Polyanskiy Torontoda yashaydi, oʻzining shaxsiy „Taifu“ dzyudo klubida murabbiylik faoliyatini olib bormoqda[2][3].
Manbalar[tahrir | manbasini tahrirlash]
- ↑ „Греков и Полянский дисквалифицированы за применение допинга“. Подробности (2006). 2016-yil 10-martda asl nusxadan arxivlangan. Qaraldi: 9-mart 2016-yil.
- ↑ Андрей Удовикин. „Силачи на свете есть…“. Russian Week (14-iyul 2015-yil). 14-iyul 2015-yilda asl nusxadan arxivlangan. Qaraldi: 9-mart 2016-yil.
- ↑ „Head Coach“. Judo Club TAIFU Toronto. 2016-yil 24-martda asl nusxadan arxivlangan. Qaraldi: 9-mart 2016-yil.
Havolalar[tahrir | manbasini tahrirlash]
- Vitaliy Polyanskiy - Sports-Reference.com saytidagi Olimpiya statistikasi
- Vitaliy Polyanskiy - judoinside.com saytidagi profil (inglizcha)