Viktor Maleyev
| Viktor Vasilyevich Maleyev | |
|---|---|
| Tavalludi |
1940-yil 22-iyul |
| Fuqaroligi |
SSSR Rossiya |
| Taʼlimi | M. I. Kalinina nomidagi Andijon davlat tibbiyot instituti |
| Kasbi | mikrobiologi, epidemiolog |
| Mukofotlari |
Aleksandr Nevskiy ordeni „Shon-sharaf“ ordeni „Doʻstlik“ ordeni |
Viktor Vasilyevich Maleev (1940-yil 22-iyul, Melitopol, Zaporojye viloyati) — sovet va rus mikrobiologi, epidemiolog va yuqumli kasalliklar boʻyicha mutaxassis, tibbiyot fanlari doktori, Rossiya Tibbiyot fanlari akademiyasi akademigi (2002—2013 yillar — Rossiya Fanlar akademiyasining akademigi). Suvsizlanish (shu jumladan, vabo va boshqa yuqumli kasalliklar) uchun ishlatiladigan polielektrolit eritmalari yaratuvchisi[1]. Fan va texnika sohasida Rossiya Federatsiyasi Davlat mukofoti laureati (1997).
Biografiya
[tahrir | manbasini tahrirlash]Viktor Vasilyevich Maleyev 1940-yil 22-iyulda Ukrainaning Zaporojye viloyati Melitopol shahrida tavallud topgan.
Taʼlimi
[tahrir | manbasini tahrirlash]1958—1964-yillarda — M. I. Kalinina nomidagi Andijon davlat tibbiyot instituti talabasi.
1964-yildan 1965-yilgacha — Andijon davlat tibbiyot instituti yuqumli kasalliklar kafedrasi aspiranturasi talabasi.
Mehnat faoliyati
[tahrir | manbasini tahrirlash]1968-yildan hozirgi kunga qadar Maleyevning mehnat faoliyati Rossiya Federatsiyasi Sogʻliqni saqlash vazirligining Markaziy Epidemiologiya ilmiy-tadqiqot instituti (1991-yilgacha — SSSR Sogʻliqni saqlash vazirligi) bilan uzvniy bogʻliq.
1979-yildan buyon mazkur institut direktorining ilmiy va klinik ishlar bo‘yicha o‘rinbosari, yuqumli patologiya bo‘limi mudiri lavozimlarida ishlab kelmoqda. Maleyev bir necha bor Rossiyaning turli mintaqalarida, Osiyo, Afrika, Markaziy va Janubiy Amerika mamlakatlaridagi xavfli infeksiyalar epidemiyalari tarqalgan hududlariga tashrif buyurgan.
1990-yildan 2001-yilgacha — Moskva yuqumli kasalliklar shifokorlari jamiyati raisi.
2001-yildan beri — Rossiya Sogʻliqni saqlash vazirligining yuqumli kasalliklar boʻyicha bosh mutaxassisi.
1999-yildan — Rossiya Federatsiyasi Taʼlim vazirligining Oliy attestatsiya komissiyasi eksperti.
2001-yildan — yuqumli kasalliklar tarqalishiga qarshi kurash boʻyicha Boltiq dengizi davlatlari bosh vazirlarining shaxsiy vakillari guruhida Rossiya Federatsiyasi Bosh vazirining shaxsiy vakili.
2002-yildan beri — Rossiya Tibbiyot fanlari akademiyasining haqiqiy aʼzosi.
Mukofotlari, premiyalari va faxriy unvonlari
[tahrir | manbasini tahrirlash]- Aleksandr Nevskiy ordeni (2022-yil 7-oktyabr) — sogʻliqni saqlash sohasidagi xizmatlari va koʻp yillik vijdonli mehnati uchun[2];
- „Shon-sharaf“ ordeni (2015-yil 23-mart) — sogʻliqni saqlash sohasidagi xizmatlari va koʻp yillik vijdonli mehnati uchun[3];
- „Doʻstlik“ ordeni (1995-yil 10-aprel) — davlat oldidagi xizmatlari, mehnat, fan, madaniyat, sanʼatdagi yutuqlari, xalqlar oʻrtasidagi doʻstlik va hamkorlikni mustahkamlashga qoʻshgan ulkan hissasi uchun[4];
- „Ustozlik uchun“ ko‘krak nishoni (2020-yil 8-iyun) — yosh mutaxassislarning kasbiy mahoratini oshirish va faol murabbiylik faoliyatidagi xizmatlari uchun[5];
- Fan va texnologiya sohasidagi Rossiya Federatsiyasi Davlat mukofoti laureati (1997-yil, boshqalar bilan hamkorlikda) ilgari nomaʼlum boʻlgan yuqumli kasalliklar klinikasi, etiotropik diagnostikasi va terapiyasi boʻyicha bir qator ishlari uchun[6];
- Rossiya Federatsiyasi hukumatining fan va texnologiya sohasidagi mukofoti laureati (1995-yil, boshqalar bilan hamkorlikda) ilgari nomaʼlum boʻlgan yuqumli kasalliklar klinikasi, etiotropik diagnostikasi va terapiyasi boʻyicha bir qator ishlar uchun;
- „Mahalliy shifokorlarga Ebola epidemiyasining oldini olishda yordam berish uchun Gvineyaga yuborilganlar“[7] shiori ostidagi „Zamonaviy Rossiyaning 100 ta eng yaxshi shaxslari: jasoratli ishlari, yutuqlari, kashfiyotlari va tirik tarixiy shaxslar. 2014-yil“ roʻyxatidan oʻrin olgan (taniqli rus virusologi M. Y. Shchelkanov bilan birgalikda).
Manbalar
[tahrir | manbasini tahrirlash]- ↑ Алла Астахова. „Свой среди людей“. Блог о здравоохранении (2016-yil 9-sentyabr). 2016-yil 12-avgustda asl nusxadan arxivlangan. Qaraldi: 2016-yil 12-avgust.
- ↑ „Указ Президента Российской Федерации от 7 октября 2022 года № 713 «О награждении государственными наградами Российской Федерации»“. 2022-yil 12-oktyabrda asl nusxadan arxivlangan. Qaraldi: 2022-yil 7-oktyabr.
- ↑ „Указ Президента Российской Федерации от 23 марта 2015 № 151 «О награждении государственными наградами Российской Федерации»“. 2021-yil 23-avgustda asl nusxadan arxivlangan. Qaraldi: 2021-yil 23-avgust.
- ↑ „Указ Президента Российской Федерации от 10 апреля 1995 № 352 «О награждении орденами и медалями Российской Федерации работников предприятий, учреждений и организаций»“. 2021-yil 23-avgustda asl nusxadan arxivlangan. Qaraldi: 2021-yil 23-avgust.
- ↑ „Указ Президента Российской Федерации от 8 июня 2020 года № 380 «О награждении государственными наградами Российской Федерации»“. 2021-yil 16-avgustda asl nusxadan arxivlangan. Qaraldi: 2021-yil 23-avgust.
- ↑ Ukaz Prezidenta Rossiyskoy Federatsii ot 10 iyunya 1997 N 564 „O prisujdenii Gosudarstvennix premiy Rossiyskoy Federatsii 1997 goda v oblasti nauki i texniki“
- ↑ „100 людей современной России“ (русский). expert.ru. 2016-yil 6-avgustda asl nusxadan arxivlangan. Qaraldi: 2016-yil 13-iyun.
Havolalar
[tahrir | manbasini tahrirlash]- Maleev Viktor Vasilevich // Sayt Mejdunarodnogo obʼedinyonnogo biograficheskogo sentra
- Svoy sredi lyudey. Intervyu
- Intervyu o pandemii COVID-19