Valentina Varshavskaya
| Valentina Varshavskaya | |
|---|---|
 | |
| Tavalludi |
1920-yil 5-dekabr |
| Vafoti |
2008-yil 16-yanvar Murmansk, Rossiya |
| Fuqaroligi |
 Rossiya |
| Kasbi | Teatr akstrisasi |
| Faoliyat yillari | 1940-yil 1978-yillar |
| Mukofotlari |
   |
Valentina Solomonovna (Semyonovna) Varshavskaya (1920-yil 5-dekabr, Yekaterinoslav, Yekaterinoslav viloyati, Ukraina SSR — 2008-yil 16-yanvar, Murmansk, Murmansk viloyati, Rossiya) — RSFSRda xizmat koʻrsatgan madaniyat xodimi, Fargʻona viloyati rus drama teatri aktrisasi. 1952-yildan 1978-yilgacha Murmansk viloyat qoʻgʻirchoq teatri direktori.
Tarjimayi holi[tahrir | manbasini tahrirlash]
Valentina Varshavskaya 1920-yil 5-dekabrda Ukraina respublikasining Yekaterinoslav shahrida (hozirgi Dnepr) tugʻilgan. Yoshligidan sanʼatga qiziqishi baland edi. Varshavskaya avval mahalliy maktabda, soʻng Yekaterinoslav shahridagi u musiqa va teatr texnikumida, undan keyin teatr studiyasining xoreografiya boʻlimini tamomlagan.
1940-yildan Dnepropetrovsk opera teatri truppasining aʼzosi boʻlgan, 1941-yildan boshlab ikkinchi jahon urushining soʻnggiga qadar 406-Nikopol koʻchma kasalxonasida hamshira boʻlib ishlagan. Urush tugaganidan soʻng yana oʻzining sevimli ishi bilan shugʻullanishni boshlaydi. 1945-yildan konsert-estrada byurosi artisti, 1948-yildan Fargʻona viloyat rus drama teatri aktrisasi sifatida faoliyatini davom ettirgan[1].
1949-yildan — musiqa boʻlimi boshligʻi, badiiy rahbar va 1952-yildan — Murmansk viloyat qoʻgʻirchoq teatri direktori[2]. 1950-yillarning oxirida uning rahbarligida teatr birinchi marta „Chyornaya melnitsa“ spektakli asosida faqat kattalar uchun spektaklni namoyish etdi. Spektakl tomoshabinlar tomonidan iliq kutib olindi.
Valentina Varshavskaya 1970-yilda RSFSRda xizmat koʻrsatgan madaniyat xodimi unvonini olgan.
1978-yilda nafaqaga chiqqan. U 2008-yil 16-yanvarda Murmanskda vafot etdi.
Oilasi[tahrir | manbasini tahrirlash]
Oilali. Turmush oʻrtogʻi — Korneliy Aleksandrovich Bazderov, RSFSR xalq artisti.
Mukofotlari[tahrir | manbasini tahrirlash]
1. „1941—1945-yillardagi Ulugʻ Vatan urushidagi jasoratli mehnati uchun“ medali.
2. „Mehnat faxriysi“ medali.
3. RSFSRda xizmat koʻrsatgan madaniyat xodimi (1970).
Manbalar[tahrir | manbasini tahrirlash]
- ↑ „ВАРШАВСКАЯ Валентина Соломоновна“. lexicon.dobrohot.org. Qaraldi: 22-iyun 2023-yil.
- ↑ „Вспоминая пятидесятые“ (ru). www.kolanord.ru. 2021-yil 2-sentyabrda asl nusxadan arxivlangan. Qaraldi: 2021-yil 2-sentyabr.
Adabiyotlar[tahrir | manbasini tahrirlash]
- Varshavskaya Valentina Solomonovna // Kolskaya ensiklopediya. V 5 t. T. 1. A — D / Gl. red. A. A. Kiselyov. — SPb. : IS ; Apatiti : KNTs RAN, 2008. — 600 s. : il., portr.
- VARShAVSKAYa_Valentina_Solomonovna // „Kolskiy Sever“. Ensiklopedicheskiy leksikon / Gl. red. A. S. Loxanov. — Murmansk : Dobroxot, 2013.
- Kto est kto v kulture Murmanskoy oblasti. — Murmansk, 2001.
- Strastnoy bulvar, 10 (jurnal Soyuza teatralnix deyateley). — 2005. — № 4.