Uya

Vikipediya, ochiq ensiklopediya
Jump to navigation Jump to search

Uya — hayvonlar bolalash maqsadida va boshpana sifatida foydalanadigan pana joy. Umurtqasizlardan hasharotlar, ayniqsa, xilmaxil uya quradi. Umurtqalilar orasida ayrim baliqlar (tikan baliq), suvda va quruqlikda yashovchilar (Yava kurak oyoqli bakasi), sudralib yuruvchilar (ayrim toshbaqalar va timsoxlar), koʻpchilik qushlar, bir qancha sut emizuvchilar (kemiruvchilar, odamsimon maymunlar, oʻrdakburun) U. quradi. Sudralib yuruvchilar (ayrim toshbaqalar, timsoxlar) U.si qumda qazib, choʻp va barglar toʻldirilgan chuqurdan iborat. Kushlar U.si juda xilmaxil. Eng oddiy U. xaschoʻp toʻshalgan yer yuzasidagi chuqurcha shaklida boʻladi. Vahmaqush, toʻqimachi, zargʻaldoq kabi qushlar oʻsimlik tolalaridan ancha murakkab U. qurishadi. Koʻpchilik kemiruvchilar (sugʻurlar, yumronqoziqlar) va bir qancha qushlar U.si in ichida joylashgan kameradan iborat. Ayrim yirtqich sut emizuvchilar daraxt kovagida U. quradi. Yirik qushlar, sut emizuvchilar (olmaxon) U.dan bir necha (baʼzan 10 va koʻproq) yil davomida foydalanishadi. Bir qancha xayvonlar koloniya boʻlib uya quradi (mas, qushlar bozori). Koloniya boʻlib yashash yirtqichlardan hymoyalanishda, bolalarini tarbiyalashda katta ahamiyatga ega.