Uchqizil

Vikipediya, ochiq ensiklopediya
Jump to navigation Jump to search

Uchqizil — Surxondaryo viloyati Termiz tumanidagn qishloq, tuman markazi. Temir yoʻl stansiyasi, Termiz shahridan 20 km uzoklikda, Uchqizil suv ombori sohilida. Aholisi 13,8 ming kishi (2004). Paxta tozalash zavodi, 4 qoʻshma, 6 kichik korxona, avtokorxona va boshqa sanoat va qurilish tashkilotlari, MTP, dehqon bozori bor. Umumiy taʼlim, bolalar musiqa va sport maktablari, kasbhunar kollejlari, litsey faoliyat koʻrsatadi. Markaziy kutubxona va uning shoxobchalari, madaniyat uylari aholiga xizmat qilmoqda. Stadion va boshqa sport inshootlari, sayyohlik maskani mavjud. Markaziy kasalxona, poliklinika, tez tibbiy yordam st-yasi, dorixona, Tibbiy tiklanish va fizioterapiya ilmiy tadqiqot instituti (Toshkent sh.)ning "Uchqizil" filiali ishlab turibdi. U. — Termiz yoʻnalishida avtobuslar qatnovi yoʻlga qoʻyilgan.