Tushda kechgan umrlar
| Muallif(lar) | Oʻtkir Hoshimov |
|---|---|
| Til | oʻzbekcha |
| Janr(lar)i | roman |
| Nashriyot | „Sharq“ |
| Oʻzbek tilida nashr etilgan sanasi | 1994 |
| Sahifalar soni | 335 |
„Tushda kechgan umrlar“ — oʻzbek yozuvchisi Oʻtkir Hoshimov qalamiga mansub roman. Muallif asarni 1993-yil yozgan. Ilk bor „Sharq yulduzi“ jurnalida serialashtirilgan.[1] Kitob oʻlaroq 1994-yil Toshkent shahrida „Sharq“ nashriyotida chop etilgan. Roman muallifning eng mashhur asarlaridan biridir.
Asarda bosh qahramon Rustamning fojiaviy qismati orqali afgʻon urushining maʼnosiz mohiyatini teran va taʼsirchan ifoda etilgan. Butun umri davomida totalitar rejim siyosatining qalqoni va qilichi sifatida ish koʻrgan, necha minglab halol odamlar dilini jarohatlagan, yostigʻini quritgan Komissar ham oʻziga xos fojiaviy obrazdir. Bu kimsaning fojiasi shundaki, u oʻzi olib borgan qora ishlarni haq deb biladi. Shuningdek asarda Qurbonoy xola obrazi ham keltiriladi. U boshiga tushgan shuncha qiyinchiliklarni matonat bilan yenggan o'zbek ayoli timsolida gavdalanadi.
Manbalar[tahrir | manbasini tahrirlash]
- ↑ „Tushda kechgan umrlar“. Taqvim. 2016-yil 5-oktyabrda asl nusxadan arxivlangan. Qaraldi: 2016-yil 4-oktyabr. (Wayback Machine saytida 2016-10-05 sanasida arxivlangan)
Havolalar[tahrir | manbasini tahrirlash]
- Oʻtkir Hoshimov: „Haqiqiy yozuvchi Xudo koʻngliga solganini yozadi“, Xurshid Davron kutubxonasi
 |