Tufa Fazilova
| Tufa Fazilova | |
|---|---|
| Tavalludi |
25-aprel 1917 |
| Vafoti |
3-fevral 1985 Dushanbe |
| Fuqaroligi |
 SSSR |
| Mukofotlari |
   |
Tufa Fazilovna Fazilova (tojikcha: Тӯҳфа Фозилова; 1917-yil 25-aprel, Konibodom, Fargʻona viloyati, Rossiya imperiyasi — 1985-yil 3-fevral Dushanbe) — sovet opera xonandasi, aktrisa va SSSR xalq artisti hisoblanadi.
Biografiyasi[tahrir | manbasini tahrirlash]
1917-yil 24-aprelda Konibodom shahrida (hozirgi Tojikistonning Sugʻd viloyati) tavallud topgan.
1930-yildan Konibodom nomidagi musiqali drama teatri xonandasi sifatida faoliyat yuritgan. 1933-yildan Oʻzbek musiqali drama teatri (hozirgi Alisher Navoiy nomidagi Katta opera va balet teatri) (Toshkent)da xonanda boʻlib, Halima Nosirova qoʻlida tahsil olgan. Tufa Fazilova 1934 — 1940-yillarda Tojikiston musiqali teatrining (Stalinobod, hozirgi Dushanbe) solisti boʻlgan. 1940 — 1948-yillarda Tojikiston musiqali teatri negizida tashkil etilgan Sadriddin Ayniy nomidagi Tojikiston opera va balet teatrining solisti boʻlgan. 1948-yildan tojik drama teatri aktrisasi bo'lib ishlagan.
U sahnada opera partiyalari ijrochisi sifatida tojik kompozitorlarining asarlari hamda tojik va oʻzbek xalq qoʻshiqlarini ijro etgan[1].
SSSRning koʻplab shaharlarida, shuningdek Eron va Afgʻonistonda safarda boʻldi. U koʻplab filmlarda rol oʻynagan. 50 ga yaqin badiiy filmning tojik tilidagi dublyajida ishtirok etgan. 1963-yildan boshlab Tojikiston SSR Kinematografchilar ittifoqi aʼzosiga aylangan[2].
U 1985-yil 3-fevralda Dushanbe shahrida vafot etdi. Luchob qabristoniga dafn etilgan.
Oilasi[tahrir | manbasini tahrirlash]
Oʻgʻli — Marat Sobirovich Aripov (1935-yil) — sovet tojik kinoaktyori va kinorejissyor. 1960-yilda Tojikiston SSR xizmat koʻrsatgan artist unvoniga sazovar bo'lgan.
Xotirasi[tahrir | manbasini tahrirlash]
Aktrisaning hayoti va ijodiy yoʻli haqidagi hujjatli filmlar: „Bizning Tufa“, „Aktrisa siri“.
1985-yilda Konibodom musiqali drama teatriga aktrisa nomi berildi.