Stanislava Staša Zajović
| Stanislava Staša Zajović | |
|---|---|
.jpg) Zajović 1999-yilda | |
| Tavalludi |
Stanislava Zajović 25-yanvar 1953-yil |
| Fuqaroligi | Chernogoriya |
| Kasbi | tinchlik faoli, feminist, yozuvchi |
Stanislava Staša Zajovich (kirillcha: Станислава Сташа Зајовић; 1953-yil 25-yanvarda tugʻilgan) – tinchlik faoli va feminist yozuvchi. U Serbiyaning Belgrad shahridagi „Qora kiyimdagi ayollar“ tashkilotining asoschisi va muvofiqlashtiruvchisidir.
Hayoti[tahrir | manbasini tahrirlash]
Stanislava Staša Zajović Belgrad universitetida ispan va italyan tillari yoʻnalishini tamomlagan va 1980-yillarda Belgradda feministik harakatiga qoʻshilgan[1].
Stanislava Staša Zajović koʻcha aksiyalarini tashkil etishdan tortib qochqinlar, ayollar va boshqalar bilan ishlashgacha boʻlgan koʻplab feministik faoliyatlar bilan shugʻullangan[2]. U Ayollar Tinchlik tarmogʻi, Urushga qarshi ayollar birdamligi xalqaro tarmogʻi/Qora kiyimdagi xalqaro ayollar tarmogʻi, Dunyoviy davlat uchun koalitsiya kabi bir qancha ayollar tarmoqlarini yaratgan.
Stanislava Staša Zajović ayollarning inson huquqlari, ayollarning tinchlik siyosati, millatlararo va madaniyatlararo birdamlik, ayollar va hokimiyat, ayollar va antimilitarizmga qaratilgan koʻplab maʼrifiy tadbirlarni tashkil etgan. U dunyoda Qora kiyimdagi ayollar tarmogʻini kengaytirishda muhim rol oʻynagan. Misol uchun, Carmen Magallon oʻzining Mujeres en pie de paz kitobida Staša Zajovićning 1993-yilda Ispaniyaga tashrifi, uning gʻoyalari va majburiyatlari oʻsha mamlakatda „Qora kiyimdagi ayollar“ guruhining tashkil etilishiga taʼsir qilganini aytadi[3].
Staša Zajović mahalliy, mintaqaviy va xalqaro ommaviy axborot vositalarida, jumladan turli jurnallar va nashrlarda chop etilgan, ayollar va siyosat, reproduktiv huquqlar, urush, millatchilik va militarizm, ayollarning urushga qarshilik koʻrsatishi va militarizmga qarshi koʻplab esselar muallifidir (1992-yildan hozirgi kunga qadar).
2017-yilda Staša Zajović xorvatlar, serblar, bosniyaliklar va chernogoriyaliklarning umumiy tili toʻgʻrisidagi deklaratsiyani imzolagan[4].
U Vukovardagi (Xorvatiya) urush qurbonlarini xotirlash tadbirlarida ayollar vakili sifatida[5] va Bosniyada urush boshlanganining bir yilligiga bagʻishlangan norozilik namoyishida spiker sifatida ishtirok etgan[6].
Staša Zajović koʻplab tanlovlarda nomzod boʻlgan va bir qator sovrinlar va mukofotlarni qoʻlga kiritgan. Ular orasida quyidagilar bor: Ayollar uchun Ming yillik tinchlik mukofoti[7], Tutinning faxriy fuqaroligi, Granadaning faxriy fuqaroligi va boshqalar. U 2005-yilda Tinchlik uchun Nobel nomzodlarining 1000 nafar ayol vakili loyihasi doirasida, Tinchlik uchun Nobel mukofotiga asosiy nomzodlardan biri boʻlgan. 2005 va 2007-yillarda u Danas kundalik gazetasi tomonidan Yilning eng yaxshi odami nominatsiyasiga loyiq deb topilgan.
Manbalar[tahrir | manbasini tahrirlash]
- ↑ Welle (www.dw.com). „Staša Zajović: Otrovom nacionalizma se sprječava pobuna | DW | 07.10.2019“ (hr-HR). DW.COM. Qaraldi: 2021-yil 23-mart.
- ↑ Rivas, Rosa. „"Las Mujeres de Negro ejercemos la desesperación activa"“ (es). El País (1993-yil 26-aprel). Qaraldi: 2021-yil 23-mart.
- ↑ Carmen Magallón: Mujeres en pie de paz, Madrid, Siglo XXI, 2006.
- ↑ Signatories of the Declaration on the Common Language, official website, retrieved on 2018-08-16.
- ↑ „Staša Zajović iz Žena u crnom: U Srbiji dominantno nacionalističko javno mnijenje“. tportal.hr. Qaraldi: 2021-yil 23-mart.
- ↑ „Belgrade: 26th anniversary of start of war in Bosnia marked“ (bs-BA). N1 (2018-yil 6-aprel). Qaraldi: 2021-yil 23-mart.
- ↑ „STASA ZAJOVIĆ“ (en). RWLSEE. Qaraldi: 2021-yil 23-mart.
