Samarkand Half Marathon
| Samarkand Half Marathon | |
|---|---|
| Oʻtkazilgan joyi | Samarqand |
| Boshlanish sanasi | 2019-yil |
| Sayt | samarkandhalfmarathon.uz |
Samarkand Half Marathon (qisqartma SHM) har yili Oʻzbekistonning Samarqand shahrida oʻtkaziladigan marafon. Tashkilotchi – Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi, Madaniyat vazirligi, Turizmni rivojlantirish davlat qoʻmitasi, shuningdek, Samarqand viloyati hokimligi. Marafonning maqsadi sogʻlom turmush tarzini targʻib qilish va madaniy obyektlarda inklyuziv muhit yaratishdir[1].
Samarkand Half Marathon 2019[tahrir | manbasini tahrirlash]
Yarim marafon anʼanaviy tarzda noyabr oyining birinchi yakshanbasida boʻlib oʻtadi. 2019-yil 3-noyabr kuni boʻlib oʻtgan birinchi poyga 25 mamlakatdan 1176 nafar yuguruvchini birlashtirdi. 21 km asosiy masofaga qoʻshimcha ravishda tadbir ishtirokchilari 2 va 10 km masofani bosib oʻtishlari mumkin edi[2]. „Samarqand Half Marathon 2019“ning asosiy xayriya maqsadi – madaniyat va sanʼat maskanlarida inklyuzivlik masalasiga odamlar eʼtiborini jalb qilish, shuningdek, Oʻzbekistonda sogʻlom turmush tarzini ommalashtirish va sport turizmini rivojlantirishdan iborat. Tadbirdan tushgan mablagʻ Toshkentdagi teatrlardan birida koʻzi ojiz shaxslar uchun qulay muhit yaratish loyihasini amalga oshirishga sarflandi. Dastur teatr sahnasida audio sharhlardan foydalangan holda spektaklni sahnalashtirishni oʻz ichiga oladi[3].
Samarkand Half Marathon 2020[tahrir | manbasini tahrirlash]
2020-yilda koronavirus infeksiyasi bilan bogʻliq beqaror epidemiologik vaziyat tufayli marafon Respublikaning barcha viloyatlaridan Samarqand shahrigacha ikki formatda – virtual marafon (ishtirokchilar maxsus Strava[4] mobil ilovasi yordamida dunyoning istalgan nuqtasida marafon masofasini bosib oʻtishlari mumkin edi) va 43 nafar professional sportchi ishtirokida oʻtkazildi (masofasi – 21 km)[5]. „Samarqand Half Marathon 2020“ missiyasi eʼtiborni autizm muammosiga qaratish edi. Tadbirda autizmga chalingan insonlar uchun inklyuziv muhit yaratish, ularning mamlakatning ijtimoiy, madaniy va ijtimoiy hayotiga integratsiyalashuvi imkoniyatlari muhokama qilindi. Musobaqadan tushgan mablagʻlar Oʻzbekistondagi bolalar uchun ixtisoslashtirilgan maktab-internatlarda bolalar ijodiy studiyasini tashkil etishga yoʻnaltiriladi[6].
Manbalar[tahrir | manbasini tahrirlash]
- ↑ „Международный благотворительный забег в Узбекистане“ (ru). https://www.samarkandhalfmarathon.uz. 2021-yil 27-yanvarda asl nusxadan arxivlangan. Qaraldi: 2021-yil 1-fevral.
- ↑ „Полумарафон в Самарканде привлек более 1100 участников“ (ru). https://www.gazeta.uz. 2021-yil 6-mayda asl nusxadan arxivlangan. Qaraldi: 2021-yil 1-fevral.
- ↑ „Открылась регистрация на первый международный благотворительный забег в Узбекистане“ (ru). https://www.uzdaily.uz. 2021-yil 14-mayda asl nusxadan arxivlangan. Qaraldi: 2021-yil 2-fevral.
- ↑ „Благотворительный забег Samarkand Half Marathon начнется 1 ноября“ (ru). https://www.uzreport.news. 2021-yil 13-fevralda asl nusxadan arxivlangan. Qaraldi: 2021-yil 4-fevral.
- ↑ „Стартовал Samarkand Half Marathon 2020: зарегистрироваться и участвовать в нём онлайн можно до 16 ноября“ (ru). https://www.nuz.uz. 2021-yil 12-mayda asl nusxadan arxivlangan. Qaraldi: 2021-yil 4-fevral.
- ↑ „Samarkand Half Marathon 2020 в поддержку с РАС“ (ru). https://www.themag.uz. 2021-yil 4-martda asl nusxadan arxivlangan. Qaraldi: 2021-yil 4-fevral.