Saida Zunnunova

Vikipediya, ochiq ensiklopediya
Jump to navigation Jump to search

Zunnunova Saida (1926.15.2, Andijon — 1977.20.3, Toshkent) — shoira. Yozuvchi Sayd Ahmadnchng rafiqasi. Andijon oʻqituvchilar institutini (1943) va Oʻrta Osiyo universitetining filol. fakultetini (1947—52) tugatgan. "Gulxan" jur. (1953—56), "Oʻzbekiston madaniyati" gaz. da adabiy xodim (1956—57), Badiiy adabiyot nashriyotida muharrir (1957—58) hamda Oʻzbekiston Yozuvchilar uyushmasida adabiy maslahatchi (1962—67) boʻlib ishlagan. 3. ning ilk sheʼri 1945 y. Andijon viloyati "Paxta fronti" gaz. da bosilgan. "Qizingiz yezdi" nomli ilk sheʼrlar toʻplami esa talabalik yillari (1948) nashr etilib, sheʼriyat muxlislari eʼtiborini qozondi. Shundan keyin uning "Yangi sheʼrlar" (1950), "Gullar vodiysi" (1954), "Qizlarjon" (1962), "Sheʼrlar" (1964), "Bir yil uylari" (1967), "Nilufar" (1972) sheʼriy toʻplamlari eʼlon kilindi. Shoira goʻzal lirik sheʼrlar bilan bir vaqtda "Sodiq va Anor"(1947), "Xayrixon" (1949), "Surat bilan suhbat" (1966), "Qoʻshnilarim" (1968) singari dostonlar ham yaratdi. 3. bu sheʼriy asarlarida inson ruhiy hayotining nozik qirralari va tebranishlari, tuygʻu va kechinmalarning murakkab harakati, dardu hasrat va orzu-armonlarning kamalak ranglarini mahorat bilan ifodalay oluvchi shoira sifatida shakllanganini namoyish etdi. Bu hol uning , ayniqsa, "Surat bilan suhbat" dostonida yorqin koʻrindi.

3. oʻzbek xotin-qizlari hayotini oʻrganish, ular turmushidagi mashaqqatli jihatlar va murakkabliklarga jamoatchilik eʼtiborini jalb etish niyatida oila va muhabbat mavzuida bir qancha hikoya va qissalar yozdi. Uning "Gulbahor" (1956), "Povest va hikoyalar" (1957), "Gulxan" (1959), "Doʻstlik" (1960), "Qanot" (1961), "Olov" (1962), "Koʻchalar charogʻon" (1965), "Boʻylaringdan oʻrgilay" (1972) singari nasriy kitoblarida xotin-qizlar hayoti haqqoniy badiiy tajassumini topdi. Ayniqsa, "Yangi direktor", "Olov", "Odamlar orasida" qissalarida 3. eskilik sarqitlarini fosh etish niqo-bi ostida sovet jamiyatidagi illatlarni keskin fosh etdi. 3. ning "Ona" (1966) va "Koʻzlar" (1968) nomli pyesalari ham bor. Toshkentdagi koʻchalardan biri va 224-sonli maktabga, shuningdek, Andijon shahridagi koʻcha va maktablardan biriga hamda Boʻz tumanidagi akademik litseyga 3. nomi berilgan.

Ac: Tanlangan asarlar [3 jildli], T., 1976.

Adabiyot[tahrir]

  • Hasanova H., Saida Zunnunova, T., 1975; Sayd Ahmad, Yoʻqotganlarim va topganlarim, T., 1998.

Naim Karimov.[1]

Manbalar[tahrir]

  1. OʻzME. Birinchi jild. Toshkent, 2000-yil