SEO

Vikipediya, ochiq ensiklopediya
Jump to navigation Jump to search

SEO (eng. "Search Engine Optimization" - Qidiruv Tizimda Optimallashtirish) - bu veb-sayt qidiruv tizimlarida chiqishi uchun uni rivojlantirish jarayoni. Unda veb-saytning nafaqat texnik jihatdan balki tarkibi ommabopligi, to'g'ri joylanganligi, foydalanuvchilarning qidiruv so'rovlariga mos kelishi orqali qidiruv tizimlar saytni yaxshilaydi, natijada sayt sahifalari osongina topilishi imkon beradi. Misol: siz mebel sotib olmoqchisiz va narxlarni ko'rib chiqmoqchisiz. Shuning uchun qidiruv tizimiga (masalan Google, Yandex yoki Yahoo!) "mebel narxlari"deb so'rov yuborasiz. Albatta hozrgi zamonda odamlar birinchi qatorlarda chiqgan veb-saytni tanlaydilar, shuning uchun siz ham qidiruv tizimida chiqgan birinchi veb-saytga kirasiz va u yerdagi ma'lumotlarni ko'rib qidirgan narsangizni topasiz. Aynan o'sha siz kirgan veb-sayt SEO orqali rivojlangan.

SEO qidiruv natijalarini organik - pullik bo'lmagan (reklamasiz) natijalarni yaxshilashga qaratilgan. Agar sizning veb-saytingiz bo'lsa va siz ko'proq tashriflar olishni xohlasangiz, bu sizning marketing harakatlaringizning bir qismi bo'lishi kerak. Uning uchun veb-saytnig asosiy maqsadi, yo'nalishini aniqlab kalit iboralar tuzib olish kerak, uning tuzulishi odamlarga qulay mobil va kompyuterlarda to'g'ri ochilishi kerak.

Ichki SEO[tahrir]

Avvallari saytning mohiyatiga e’tibor bermay, kalit so‘zlarni kiritish bilan kifoyalanishar edi. Hozirda Yandex va Googleda SEOni bu tariqa amalga oshirish ish bermaydi. Endi qidiruv tizimilari sizning saytingizni yuqori baholashi uchun sayt quyidagi jihatlarga ega bo‘lishi kerak:

- Matnlarning sifatliligi;

- Texnik xatolar yo‘qligi;

- Foydalanishdagi qulaylik;

- Saytga tashriflar siafti (foydalanuvchilar saytga qancha vaqt sarflashyapti, maqsadli harakatlarni amalga oshirilyaptimi, yo‘qmi kabi);

- Sahifalarni ochishdagi tezlik;

- Integratsiya (barcha turdagi qurilmalar va ekran o‘lchamlari bilan mos kelishi);

- Https (xavfsiz protokol mavjudligi) va boshqalar.[1]

Tashqi SEO[tahrir]

Boshqa veb-saytlarga havola joylanishi qidiruv tizimini optimallashtirishda juda muhim. Sizni saytingizni zikr qilib ketgan domenlarning miqdori tufayli Google sizning ishonchliligingizni tan beradi. Bu jarayonda muhim kontseptsiya "mavzuingizga yaqin va avtoriteti baland saytlardan havola olish". Kiruvchi havolalarni, ayniqsa, yangi veb-saytni qidirib topishda, ko'pincha miqdoriga e'tibor berishadi. Shu bilan birga, sizning tarkibingizga mos keladigan yuqori vakolatli veb-saytlardan havolalarni olish sifat ustuvor bo'lishi kerak.

2012 yilda Google Penguin deb nomlangan juda kuchli algoritm yangilanishini chiqardi, u "havolalarni aldash" ni yo'q qilishga qaratilgan (spam-havola profillari bo'lgan saytlarning yuqori darajadagi bo'lishiga yo'l qo'ymaslik degani). 2017 yilda ular ushbu spam-havolalarni aniqlash, so'ngra ularni e'tiborsiz qoldirish jarayoni hozirda real vaqt rejimida ishlashini e'lon qilishdi, ya'ni past sifatli deb hisoblangan sayt sahifalariga har qanday havola e'tiborsiz qoldiriladi va reytingga yordam bermaydi.


Manbalar[tahrir]