Ruxli oʻgʻitlar

Ruxli oʻgʻitlar — tarkibida oʻsimliklar oʻzlashtira oladigan rux boʻlgan mineral yoki organikmineral makrooʻgitlar. R.oʻ. sifatida rux sulfat, ruxli polimikrooʻgʻit (PMU7), ruxli kukun hamda tarkibida oʻsimliklar oʻzlashtira oladigan rux boʻlgan sanoat chiqindilari qoʻllaniladi. Urugʻlikni dorilashda va ekinlarni bargi orqali oziqlantirishda rux sulfat ning 0,05—0,1% li eritmasi ishlatiladi. Ruxli polimikrooʻgʻitlar (PMU7) tarkibida 20—25% rux, 1% MgO, 0,4% MnO, 13% CuO va boshqa elementlar boʻladi. Urugʻlikni dorilash hamda mevali ekin maydonlariga gektariga 3–5 kg hisobida solish uchun qoʻllaniladi. Ruxli kukun chigit va makkajoʻxori doniga 200 g/s, kand lavlagi urugʻiga 500 g/s, bodring va poliz ekinlari urugʻiga 200 g/kg hisobida ekish oldidan ishlov berishda qoʻllaniladi.

Tuproqning harakatchan rux bilan taʼminlanishini hisobga olgan holda R.oʻ. qoʻllash qoʻshimcha hosilni taʼminlaydi.