Qoʻrgʻon (roman)

Qoʻrgʻon
	; romanning oʻzbek tilidagi muqovasi
Asl nomi	Das Schloss
Muallif(lar)	Franz Kafka
Muharrir(lar)	Mirzaali Akbarov
Tarjimon(lar)	Shahnoza Quvonova
Mamlakat	Oʻzbekiston
Til	nemischa
Janr(lar)i	roman
Nashr etilgan sanasi	1926-yil
Nashriyot	Gʻafur Gʻulom nomidagi nashriyot-matbaa ijodiy uyi
Oʻzbek tilida nashr etilgan sanasi	2024-yil
Sahifalar soni	400
ISBN	978-9943-8836-7-3
Veb-sayt	https://www.franzkafka.de/werk/das-schloss

Bu atamaning boshqa maʼnolari ham mavjud. Qarang: Qoʻrgʻon (maʼnolari).

Qoʻrgʻon (nemischa: Das Schloss) — yozuvchi Franz Kafkaning soʻnggi romani. Asarda „K“ nomi bilan tanilgan qahramon oʻz qishlogʻiga qaytib keladi va Graf Westwestga tegishli boʻlgan qoʻrgʻondan turib boshqariluvchi sirli hokimiyat tarkibiga qoʻshilish uchun kurash olib boradi.

Kafka asarni tugatolmay vafot etgan^[1]. Roman oʻlimidan keyin uning xohishiga qarshi nashr etilgan. Antiutopiya janrda yozilgan, shu bilan bir paytda esa surreal asar hisoblanmish Qoʻrgʻon odatda begonalashish, javob berishdan tonayotgan byurokratiya, shaffof boʻlmagan, oʻzboshimchalik bilan ish koʻruvchi boshqaruv tizimlariga qarshi kurashlardagi umidsizlik va erishib boʻlmaydigan maqsadga befoyda intilish haqida deya tushuniladi^[1].

Sarlavhasi[tahrir | manbasini tahrirlash]

Sarlavha Das Schloss „qal’a“ yoki „qoʻrgʻon“ deb tarjima qilinishi mumkin, ammo nemischa boʻlgan ushbu soʻz omonimlik shakliga ega boʻlib, qulf maʼnosiga ham tegishli boʻlishi mumkin. Fonetik jihatdan ham der Schluss („xulosa“ yoki „oxir“, „yakun“) soʻziga yaqin^[2]. Qalʼa qulflangan boʻlib, bosh qahramon „K“ va shahar aholisi uchun yopiq hisoblanadi hamda ularning hech biri kirish huquqiga ega boʻlmaydi.