Ostin-ustin

Ostin-ustin

Asar uchun George Roux chizgan rasm
Asl nomi	Sans dessus dessous
Muallif(lar)	Jules Verne
Til	fransuzcha
Janr(lar)i	roman
Nashr etilgan sanasi	1889
Nashriyot	„Yosh gvardiya“
Oʻzbek tilida nashr etilgan sanasi	1960
Sahifalar soni	172

„Ostin-ustin“ (fransuzcha: Sans dessus dessous) — fransuz yozuvchisi Jules Verne qalamiga mansub ilmiy-fantastik roman. Ilk bor 1889-yil nashr qilingan. Asar „Yerdan oyga“ hamda „Oy atrofida“ romanlari bilan birgalikda „Baltimor zambarak klubi“ haqidagi romanlar trilogiyasini tashkil etadi.

Asar qahramonlari Arktika muzlari ostidagi koʻmir qatlamlarini olish uchun yer oʻqini oʻzgartirmoqchi boʻladilar. Roman bir necha tilga, jumladan, oʻzbek tiliga tarjima qilingan.

Syujet

„Yerdan oyga“ hamda „Oy atrofida“ romanlarida oyga parvoz qilgan „Zambarak klubi“ aʼzoladi Arktikaning oʻrganilmagan hududlarida tadqiqot olib boradilar. Qahramonlar u yerda koʻmir qatlamlari bor, deya taxmin qiladilar. Ular yer oʻqini oʻzgartirib, Arktika muzlarini eritmoqchi boʻladilar.

Qahramonlar

• J.T. Maston (talaffuzi: Jey. Ti. Maston) – matematik, olim; bosh qahramon
• Barbicane (talaffuzi: Barbiken) – „Zambarak klubi“ raisi
• Nicholl (talaffuzi: Nikol) – „Zambarak klubi“ aʼzosi
• Alcide Pierdeux (talaffuzi: Alsid Pyerde) – fransuz matematigi
• Evangelina Scorbitt (talaffuzi: Evanjelina Skorbit) – amerikalik beva ayol

Oʻzbekcha tarjima

Roman oʻzbek tilida 1960-yil Toshkent shahrida „Yosh gvardiya“ nashriyotida chop etilgan. Oʻzbek tilidagi nashrni tayyorlashda quyidagi shaxslar ishtirok etgan: K. Poʻlatov – muharrir, K. Nazariv – rasmlar muharriri, Ya. Pinxasov – texnik muharrir, N. Komilov – musahhih. Kitob adadi – 30 000 nusxa.

Havolalar

• „Ostin-ustin“ Lib.ru saytida ^(rus.)