Oʻzbekiston Milliy paralimpiya qoʻmitasi
O'zbekiston Milliy paralimpiya qo'mitasi - O'zbekistondagi sport qo'mitasi. 2021-yil O'zbekiston Milliy paralimpiya assotsiatsiyasi asosida tashkil etilgan[1].
Tarixi[tahrir | manbasini tahrirlash]
O‘zbekiston Milliy paralimpiya assotsiatsiyasi 2007 yilda tashkil etilgan. O‘zbekiston Respublikasi Prezidentining 2021 yil 18 maydagi “Paralimpiya harakatini rivojlantirishga doir qo‘shimcha chora-tadbirlar to‘g‘risida”gi qarori asosida O‘zbekiston Milliy paralimpiya assotsiatsiyasi negizida O‘zbekiston Milliy paralimpiya qo‘mitasi tashkil etildi. O‘zbekiston Milliy paralimpiya qo‘mitasi Xalqaro Paralimpiya qo‘mitasi (IPC) va Osiyo Paralimpiya qo‘mitasi (APC) a’zosi hisoblanadi.
O‘zbekiston Milliy paralimpiya qo‘mitasi O‘zbekiston xududida imkoniyati cheklangan sportchilar o‘rtasida turli darajadagi musobaqalarni tashkillashtiradi va o‘tkazadi. Paralimpiyachilarga respublika va xalqaro miqyosidagi musobaqalarga tayyorgarlik ko‘rishda to‘liq va sifatli sharoit yaratish tashkilotning muhim vazifalaridan biri hisoblanadi. Paralimpiya g‘oyalari hamda qadriyatlarini mamlakat va butun dunyo bo‘ylab targ‘ib qilish, davlat va jamiyat e’tiborini imkoniyati cheklangan insonlarga qaratish ham O‘zbekiston Milliy paralimpiya qo‘mitasining asosiy vazifasidir.
Rahbariyat[tahrir | manbasini tahrirlash]
Muxtorxon Tashxodjaev 2019 yildan buyon O‘zbekiston Milliy paralimpiya qo‘mitasi raisi hisoblanadi.[2][3]
Xalqaro musobaqalardagi ishtiroki[tahrir | manbasini tahrirlash]
O‘zbekiston Milliy paralimpiya qo‘mitasi sportchilari 3 ta yozgi Paralimpiya o‘yinlari, 2 ta qishki Paralimpiya o‘yinlari, 4 ta Para Osiyo o‘yinlari, 3 ta Yoshlar Para Osiyo o‘yinlarida ishtirok etgan.
Paralimpiya o‘yinlari[tahrir | manbasini tahrirlash]
Tokio-2020
Rio-2016
London-2012
Para Osiyo o‘yinlari[tahrir | manbasini tahrirlash]
Guanjou-2010
Incheon-2014
Jakarta-2018
Xanchjou-2022[4]
Yoshlar Para Osiyo o‘yinlari[tahrir | manbasini tahrirlash]
Malayziya-2013
BAA-2017
Bahrain-2021
Yana qarang[tahrir | manbasini tahrirlash]
Manbalar[tahrir | manbasini tahrirlash]
- ↑ „O‘zbekistonda Milliy paralimpiya qo‘mitasi tashkil etiladi“ (2021-yil 18-may). Qaraldi: 25-oktabr 2022-yil.
- ↑ „Muxtorxon Toshxo‘jayev yangi tashkil etilgan Milliy Paralimpiya qo‘mitasi rahbarligiga saylandi“.
- ↑ „Paralimpiya assotsiatsiyasiga yangi rahbar saylandi“.
- ↑ „Paralimpiyachilarimizning Xanchjou-2022 Osiyo o'yinlari va Parij-2024 Paralimpiadasiga tayyorgarligi muhokama qilindi“.
 |