Oʻzbekiston — Avstriya munosabatlari

Ikki tomonlama munosabatlar[tahrir | manbasini tahrirlash]

2017-yilning mart oyida Avstriya va Oʻzbekiston oʻrtasida diplomatik munosabatlar oʻrnatilganiga 25 yil bo'lgan. Avstriya Oʻzbekiston mustaqilligini 1992-yil 15-yanvarda tan olgan va 1992-yil 25-martda diplomatik munosabatlar oʻrnatilgan. Avstriya mustaqil Oʻzbekistonning Birinchi Prezidenti Islom Karimov rasmiy tashrif bilan borgan birinchi davlat boʻlgan. 1994-yil boshida Oʻzbekiston Vena shahrida elchixonasini ochgan, uning tarkibiga BMT va YXHT ham kirgan. Oʻzbekistonlik siyosatchilarning xalqaro tashkilotlarning Venadagi tadbirlarida ishtirok etishi ikki tomonlama munosabatlarni chuqurlashtirishga xizmat qilmoqda.

Iqtisodiy munosabatlar[tahrir | manbasini tahrirlash]

2012-yilning 22-may kuni Toshkent shahrida Savdo-iqtisodiy hamkorlik boʻyicha Oʻzbekiston-Avstriya qoʻshma komissiyasining beshinchi majlisi boʻlib oʻtgan. U Avstriya Iqtisodiyot, oila va yoshlar masalalari boʻyicha Federal vazirligining tashqi iqtisodiy aloqalar bosh direktori Frants Vessig boshchiligidagi delegatsiyaning Oʻzbekistonga tashrifi doirasida tashkil etilgan.

2011-yil yakuni boʻyicha ikki davlat oʻrtasidagi tashqi savdo aylanmasi 96,9 million dollarni tashkil etgan. Ikki davlat salohiyati bu koʻrsatkichni oʻn barobar oshirish imkonini beradi, degan vazir oʻrinbosari. 2012-yilning yanvar-mart oylarida oʻzaro tovar ayirboshlash hajmi 15,945 million dollarni tashkil etgan.

Avstriya Tashqi ishlar vazirligi rahbari 2000-yildan beri birinchi marta Oʻzbekistonga keldi[tahrir | manbasini tahrirlash]

2021-yil 7-noyabr kuni Avstriyaning Yevropa va tashqi ishlar federal vaziri Mixael Linxart Oʻzbekistonga kelgan. Oʻzbekistonning Venadagi elchixonasi xabariga koʻra, tashrif doirasida Avstriya TIV rahbari Toshkentda investitsiya va tashqi savdo, tashqi ishlar vazirliklarida rasmiy muzokaralar oʻtkazgan.

Tomonlar birgalikdagi sa’y-harakatlari bilan 2018-yilda tashqi savdo aylanmasi ikki baravar oshgan va keyingi yillarda ham ijobiy oʻsish tendentsiyasi saqlanib qolgan. Bundan tashqari, Avstriya kompaniyalarining Oʻzbekiston bozoridagi faolligi sezilarli darajada faollashgan.

Manbalar[tahrir | manbasini tahrirlash]

Ikki tomonlama munosabatlar

Iqtisodiy munosabatlar

Avstriya Tashqi ishlar vazirligi rahbari 2000-yildan beri birinchi marta Oʻzbekistonga keldi

Avstriya–Oʻzbekiston munosabatlari



Avstriya	Oʻzbekiston