Oʻrdubodiy Muhammad Said

Vikipediya, ochiq ensiklopediya
Jump to navigation Jump to search
Muhammad Said Oʻrdubodiy
Stamps of Azerbaijan, 2012-1048.jpg
Tavallud sanasi: 24-mart 1872-yil(1872-03-24)
Tavallud joyi:Oʻrdubod
Vafot sanasi:1 - may, 1950 - yil
Vafot joyi:Boku
Fuqarolik:Ozarbayjon bayrogʻi Ozarbayjon
Kasb: yozuvchi, jurnalist, dramaturg
Janr:she'riyat, roman

Oʻrdubodiy Muhammad Said (Mamed Hoji ogʻa oʻgʻli, 1872.24.3, Oʻrdubod — 1950.1.5, Boku) — ozarbayjon yozuvchisi va dramaturgi. Ozarbayjonda xizmat koʻrsatgan sanʼat arbobi (1938). 1907— 11 - yillarda Eron inqilobida ishtirok etgan. Dastlabki sheʼriy toʻplamlari — "Begʻamlik" (1906), "Vatan va ozodlik" (1907). Mustabid tuzum va maʼrifatparvarlik gʻoyalari aks etgan "Ikki bolaning Yevropaga sayohati" (1908), "Baxtsiz millioner" (1904), "Tumanli Tabriz" (1938—48), "Kurashuvchi shahar" (1938), "Yashirin Boku" (1940) romanlari muallifi. "Qilich va qalam" romani (1—2 qism, 1946—48) ozarbayjon xalqining mashhur shoiri Nizomiy Ganjaviyga bagʻishlangan. Uning dramalari, opera va operetta librettolari ham bor ("Koʻroʻtli", 1939; "Nargiz", 1938; "Qalb oʻgʻrilari", 1938 va boshqalar). "Andalusning soʻnggi kunlari" tarixiy dramasi (M.Uygʻur tarjimasi, 1919) "Turon" teatrida, "Besh soʻmlik kelin" komediyasi esa Muqimiy nomidagi musiqali drama teatrida sahnalashtirilgan.

Adabiyotlar[tahrir]

  • Qilich va qalam [I—2 qismlar], T., 1964.