Nazira Aliyeva

Vikipediya, ochiq ensiklopediya
Jump to navigation Jump to search
Nazira Aliyeva
Tavalludi sanasi 31-dekabr 1912
Tavallud joyi Toshkent
Vafot sanasi 19-iyun 1980-yil(1980-06-19)
(67 yoshda)

Nazira Nasriddinovna Aliyeva (31-dekabr 1912, Toshkent19-iyun 1980) – O‘zbekiston xalq artisti (1969). Boku teatr texnikumini (1927), Moskva davlat teatr san’ati institutini (1934) tugatgan. Toshkent teatr va rassomlik san’ati instituti katta o‘qituvchisi (1945 yildan), kafedra mudiri (1949–66), dotsenti (1961 yildan).

A. 1935–41 yillarda M. Azizbekov nomidagi Ozarbayjon davlat akademik drama teatrida So‘lmas (J. Jabborli, "O‘t kelini"), Durdona (Husayn Jovid "Siyovush"), Juletta (U. Shekspir, "Romeo va Juletta") obrazlarini ozarbayjon tilida yaratdi. 1934, 1941–48 yillarda Hamza nomidagi teatrda Dezdemona (U. Shekspir, "Otello"), Xolisxon, Jamila (Hamza, "Xolisxon", "Boy ila xizmatchi"), Shirmon (I. Sulton, "Burgutning parvozi"), Saodat (Komil Yashin va Amin Umariy "Hamza") kabi yirik rollarni ijro etdi. "Sepsiz qiz" (Aleksandr Ostrovskiy), "Alisher Navoiy" (Uygʻun, I. Sulton), "Dengizdagilar sharafiga" (Boris Lavrenev) spektakllariga rejissyorlik qilgan.

"O‘lim qudug‘i", "Uyqusiz tunlar", "Mahallada duv-duv ran" filmlarida o‘ynagan. M. Shamxalovning "Qaynona" komediyasini, M. Urdubodiyning "Kilich va qalam" romanini o‘zbek tiliga tarji-ma qilgan. "Sahna nutqining ravon va aniq bo‘lishida muhim shartlar", "O‘zbek sahna nutqining ba’zi texnik elementlari" ilmiy-metodik ishlar, "San’at – mening hayotim" esdaliklari muallifi.

Adabiyotlar[tahrir]

  • OʻzME. Birinchi jild. Toshkent, 2000-yil