Najmiddin Komilov

Vikipediya, ochiq ensiklopediya
Jump to navigation Jump to search

Najmiddin Komilov (1937.5.10, Panjikent tumani, Tojikiston) — adabiyotshunos olim, filologiya fanlari doktori (1975), professor (1991). SamDUning filologiya fakultetini tugatgan (1965). Oʻzbek sovet ensiklopediyasi Bosh tahririyatida katta muharrir (1970—71). ToshDUda katta oʻqituvchi (1971—75). Toshkent sharqshunoslik instituti kafedra mudiri (1991—94; 2001 yildan). Oʻzbekiston Respublikasi Prezidenti devonida konsultant (1994—95). Davlat va jamiyat qurilishi akademiyasi prorektori (1995—99). Oʻzbekiston Respublikasi markaziy saylov komissiyasi raisi (1999-2001).


Ijodi[tahrir]

Komilov dastlab tarjima va qiyosiy adabiyotshunoslik, tarjima tarixining nazariy masalalari boʻyicha tadqiqotlar olib bordi. Matnshunoslik va adabiy janrlar taraqqiyoti bilan bogʻliq masalalarni oʻrgandi. Keyingi yillarda uning ilmiy faoliyati tasavvuf tarixi, asosiy yoʻnalishlari, tariqat, shariat, haqiqat tushunchalariga qaratildi. Shu yoʻnalishda u Ahmad Yassaviy, Najmiddin Kubro, Ibn Arabiy, Aziziddin Nasafiy, Bahouddin Naqshband taʼlimotlari mohiyatini ochib berdi. Farididdin Attorning "Ilohiynoma", Sulton Valadning "Maorif", Aziziddin Nasafiyning "Zubdat ul-haqoyiq" va Husayn Voiz Koshifiyning "Futuvvatnomai sultoniy" asarlarini tarjima qildi. Komilov "Oʻzbekiston milliy ensiklopediyasi" bosh tahrir hayʼati aʼzosi (1997 yildan).

Manbalar[tahrir]

  • Doʻstlik koʻpriklari, T., 1979 (hamkorlikda);
  • Ibn Sino va Dante, T., 1983;
  • Bu qadimiy sanʼat, T., 1988;
  • Najmiddin Kubro, T., 1995;
  • Tafakkur karvonlari, T., 1999;
  • Tasavvuf yoki komil inson axloqi, T., 1999;
  • Tasavvuf. Tavhid asrori, T., 1999;
  • Faqr nuri porlagan qalb, T., 2001.[1]



  1. OʻzME. Birinchi jild. Toshkent, 2000-yil