Muhabbat Salayeva
| Muhabbat Saburovna Salayeva | |
|---|---|
 | |
| Tavalludi |
16-may 1961-yil Urganch, Xorazm viloyati, Oʻzbekiston SSR |
| Fuqaroligi |
 Oʻzbekiston |
| Kasbi | pedagog |
| Sohasi | pedagogika |
| Taʼlimi | Qoʻqon pedagogika instituti |
| Ilmiy darajasi | pedagogika fanlari doktori |
| Ilmiy unvoni | professor |
Muhabbat Saburovna Salayeva (1961-yil 16-may, Urganch, Xorazm viloyati, Oʻzbekiston SSR) — oʻzbekistonlik olima, pedagogika fanlari doktori, professor.
Biografiyasi[tahrir | manbasini tahrirlash]
Muhabbat Salayeva 1961-yil 16-may Urganch shahrida xizmatchi oilasida tugʻilgan[1]. 1978—1982-yillarda Qoʻqon pedagogika instituti pedagogika-psixologiya fakulteti tahsil olgan. 1982—1991-yillarda Urganch pedagogika bilim yurti oʻqituvchisi, 1991—1992-yillarda Xorazm davlat pedagogika instituti pedagogika va psixologiya kafedrasi oʻqituvchisi, 1993—1996-yillarda Toshkent davlat pedagogika instituti aspiranti, 1996—2001-yillarda Urganch davlat universiteti pedagogika va psixologiya kafedrasi oʻqituvchisi, 2001—2003-yillarda Urganch davlat universiteti pedagogika va psixologiya kafedrasi dotsenti, 2003—2005-yillarda Toshkent davlat pedagogika universiteti doktoranti, 2006—2008-yillarda Urganch davlat universiteti boshlangʻich taʼlim nazariyasi va metodikasi kafedrasi katta oʻqituvchisi, 2008—2015-yillarda boshlangʻich taʼlim nazariyasi va metodikasi kafedrasi dotsenti, 2015—2018-yillarda boshlangʻich va maktabgacha taʼlim metodikasi kafedrasi dotsenti, 2018—2020-yillarda maktabgacha taʼlim metodikasi kafedrasi dotsenti lavozimida faoliyat koʻrsatgan[2]. 2021-yildan Urganch davlat universiteti maktabgacha taʼlim metodikasi kafedrasi professori. 2002-yildan „Olima“ uyushmasi Xorazm viloyati boʻlimi ijrochi direktori[1].
Ilmiy faoliyati[tahrir | manbasini tahrirlash]
1999-yilda „Muhammad Rizo Ogahiyning maʼrifiy-pedagogik qarashlari“ mavzusida nomzodlik, 2019-yilda „Oʻzbek pedagogikasi tarixini davrlashtirishning nazariy-metodologik asoslarini takomillashtirish“ mavzusida doktorlik dissertatsiyasini himoya qilib, pedagogika fanlari doktori (DSc) ilmiy darajasini olgan. 162 ta ilmiy ishlar, shundan 2 ta darslik, 2 ta monografiya va 3 ta oʻquv qoʻllanma, 3 ta uslubiy qoʻllanma, 120 ta ilmiy maqolalar muallifi[1].
Manbalar[tahrir | manbasini tahrirlash]
- ↑ 1,0 1,1 1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342 bet.
- ↑ „Salayeva Muxabbat Soburovna“.