Momoxol Elmurodova
 | Bu maqolaning betarafligi shubha ostidadir. Batafsilroq maʼlumot uchun maqola munozarasiga qarang. (2024-01) |
| Momoxol Elmurodova | |
|---|---|
| Tavalludi |
1949-yil Qashqadaryo viloyati, Shahrisabz tumani, Qumqishloq qishlogʻi |
| Kasbi | shoira |
| Ijod qilgan tillari | oʻzbek tili |
| Fuqaroligi |
 Oʻzbekiston |
| Taʼlimi | Namangan Davlat universiteti |
| Janr | sheʼriyat |
| Mukofotlari |
  |
Momoxol Elmurodova (1949-yil Qashqadaryo viloyati, Shahrisabz tumani, Qumqishloq qishlogʻi) — oʻzbek adabiyotining isteʼdodli shoirasi[1]. Oʻzbekiston Yozuvchilar Uyushmasi aʼzosi.
Tarjimai holi[tahrir | manbasini tahrirlash]
Momoxol Elmurodova 1949-yil Qashqadaryo viloyati, Shahrisabz tumani, Qumqishloq qishlogʻida dunyoga kelgan. Shoira taqdir taqozosi bilan qamashilik yigitga turmushga chiqib, shaharda 63-oʻrta maktabda oʻzbek tili va adabiyotidan dars bergan. Momoxol Elmurodova 1966—1970-yillarda Namangan Davlat universitetida tahsil olgan. Talabalik davridan sheʼrlar yozgan, dastlabki sheʼrlaridan namunalar 1967-yilda „Namangan haqiqati“ gazetasida eʼlon qilingan. Shundan soʻng uning sheʼrlari respublika gazeta va jurnallarida nashr etilgan.
Ijodi[tahrir | manbasini tahrirlash]
Momoxol Elmurodova oʻzining „Qaldirgʻoch“, „Ayol muhabbati“, „Yurakka sanchilgan ignalar“, „Orzularning olis yoʻli“, „Onamga maktublar“, „Otlandim qalbingiz ziyoratiga“, „Eng goʻzal imkon“ deb nomlangan bir qator sheʼriy toʻplamlari nashr etildi[2]. Bundan tashqari uni elimiz taniqli, oʻziga xos ovozi va uslubiga ega boʻlgan shoira sifatida eʼtirof etadi. Shoiraning „Men ayolman“ nomli sheʼrida oʻzbek ayollarining nozik tuygʻularini mohirlik bilan tasvirlagan.
„Kuz xayollari“ sheʼriy toʻplami haqida[tahrir | manbasini tahrirlash]
Momoxol Elmurodovaning 2015-yilda „Kuz xayollari“ nomli sheʼriy toʻplami nashr etildi. Shoiraning ijodi bu sheʼriy toʻplami bilan yanada yuqori choʻqqiga koʻtarildi. Bu sheʼrida eng avvalo Vatanni ulugʻlaydi:
Vatan ordir, vatan gʻurur, varan qalbning tugʻyoni,
Ilk manzil shul, rizq-roʻz ham shul hamda soʻngi oshyondir.
Tuprogʻini koʻzlarimga surmaday sursam arzir,
Men sevgan yurt, sigʻingan yurt, aziz Oʻzbekistondir.
Mukofotlari[tahrir | manbasini tahrirlash]
- „Shuhrat“ medali
- „Oʻzbekiston xalq taʼlimi aʼlochisi“ unvoni
- „Oʻzbekistonda xizmat koʻrsatgan xalq taʼlimi xodimi“ unvonlari bilan mukofotlangan.
Manbalar[tahrir | manbasini tahrirlash]
- ↑ https://n.ziyouz.com/portal-haqida/xarita/uzbek-sheriyati/zamonaviy-o-zbek-she-riyati/momoxol-elmurodova-1949
- ↑ "Momoxol Elmurodova. She’rlar & O’rolboy Qobil. Mehrigiyohli shoira|Xurshid Davron kutubxonasi" https://kh-davron.uz/kutubxona/uzbek/momoxol-elmurodova-sherlar.html