LG Corp

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

LG korporatsiyasi (yoki LG Group) (koreyscha: 엘지) 1983-yildan 1995-yilgacha Lucky-Goldstar (koreyscha: Leokki Geumseong; koreyscha: 럭키 금성) Janubiy Koreyaning koʻp millatli konglomerat korporatsiyasi. Koo In-hwoi tomonidan tashkil etilgan va avlodlari tomonidan ketma-ket boshqarib kelingan.

Janubiy Koreyadagi to'rtinchi yirik chaebol hisoblanadi. Uning bosh qarorgohi Seul shahridagi LG Twin Towers binosida joylashgan[1]. LG elektronika, kimyo va telekommunikatsiya mahsulotlarini ishlab chiqaradi va 80 dan ortiq mamlakatda LG Electronics, Zenith, LG Display, LG Uplus, LG Innotek, LG Chem va LG Energy Solution kabi shoʻba korxonalarini boshqaradi. Xodimlari 186 ming kishini tashkil etadi.

Tarix[tahrir | manbasini tahrirlash]

LG korporatsiyasi 1947-yilda Koo In-hwoi tomonidan Lak Xui Chemical Industrial Corp. sifatida tashkil etilgan[2]. 1952-yilda Lak Xui (락희) ( „Baxtli“; hozirda LG Chem) plastmassa sanoatiga kirgan birinchi Janubiy Koreya kompaniyasi boʻldi. Kompaniya plastmassa biznesini kengaytirgani sari 1958-yilda GoldStar Co. Ltd.ni (hozirgi LG Electronics Inc.) tashkil etdi. Ikkala Lucky va GoldStar kompaniyalari birlashib, 1983-yilda Lucky-Goldstarni tuzdi[3].

GoldStar Janubiy Koreyaning birinchi radiosini ishlab chiqardi[3]. Koʻpgina maishiy elektronika GoldStar savdo belgisi ostida sotilgan,(Janubiy Koreyadan tashqarida mavjud boʻlmagan) boshqa uy-roʻzgʻor mahsulotlari Lucky savdo belgisi ostida sotilgan. Lucky brendi sovun va HiTi kir yuvish vositalari kabi gigiena vositalari bilan mashhur edi, lekin brend asosan Lucky va Perioe tish pastalari bilan bogʻliq edi. LG ushbu mahsulotlarning bir qismini Janubiy Koreya bozori uchun ishlab chiqarishni davom ettirmoqda.

Koo In-hwoi 1969-yilda vafotigacha korporatsiyani boshqargan, oʻsha paytda uning oʻgʻli Koo Cha-kyung boshqaruvni egallagan. Keyin u rahbarlikni 1995-yilda oʻgʻli Koo Bon-mooga topshirdi. Koo Bon-moo 1995-yilda kompaniyani LG deb oʻzgartirdi[3]. Kompaniya, shuningdek, LG harflarini kompaniyaning „Life's Good“ („Hayot yaxshi“) yorligʻi bilan bogʻlaydi. 2009-yildan buyon LG LG.com domeniga egalik qiladi.

Koo Bon-moo 2018-yil 20-mayda miyadagi oʻsimtadan vafot etdi[4]. 2018 yil iyul oyida Koo Bon-muning jiyani va asrab olingan oʻgʻli Koo Kvang-mo LGning yangi bosh direktori boʻlishi eʻlon qilindi. Koo Bon-mo 1994-yilda yolgʻiz oʻgʻlidan ayrilganidan soʻng[5], 2004-yilda jiyanini asrab oldi.

  • 1948-Yilda birinchi kosmetika laboratoriyasini ochdi
  • 1952-yilda Koreyada birinchi boʻlib plasmassa ishlab chiqara boshladi
  • 1954-Yilda lucky nomli tish pastasi ishlab chiqara boshladi
  • 1961-yilda Koreya telefonlarini chiqara boshladi
  • 1963-yilda Goldstar 1-fenni ishlab chiqardi
  • 1965-yilda Goldstar birinchi muzlatgich
  • 1966-yilda Koreyada birinchi oq qora televizor ishlab chiqardi
  • 1967-yilda Lak Hui birinchi shampunni chiqardi
  • 2009-yilda LG dunyoda telefon ishlab chiqarish boyicha3-oringa chiqib oldi
  • 2010-yilda LG dunyoda 1-bolib 2yadroli telefon chiqardi ( LG Optimus 2X ).
  • 2011-yilda LG dunyoda 1-bolib 3D qollaydigan telefon chiqardi (LG Optimus 3D).
  • 2021-yilda uyali telefonlar bozorini yuqori raqobat va foydasiz daromad sabab tark etishni e’lon qildi. Ta’kidlanishicha, «LG» mobil biznesi 2015-yildan zarar koʻrishni boshlagan va uning 2020-yilgi umumiy zarari 4,4 milliard dollarga yetgan[6].

Qoʻshma korxonalar[tahrir | manbasini tahrirlash]

LG va Hitachi 2000-yilda Hitachi-LG Data Storage nomli va 2011-yilda LG va Hitachi Water Solutions nomli qoʻshma korxonalarini tuzdi. Hitachi LGning mahsulotlari uchun, masalan, radio, simlar, televizor, maishiy texnika, yarimo'tkazgich va shu kabi boshqa texnologiyalarni yetkazib beradi. Ularning orasidagi birinchi qoʻshma korxona LG Hitachi bo'lib, u 1980-yillardan beri Koreyaga kompyuterlarni import qilish uchun tashkil etilgan[7].

LG Royal Philips Electronics bilan ikkita qoʻshma korxonaga ega edi: LG Philips Display va LG Philips LCD. Biroq Philips 2008-yil oxirida oʻz aktsiyalarini sotdi[8].

2005-yilda LG Nortel Networks bilan LG-Nortel Co. Ltd. qoʻshma korxonasini tuzdi.

2020-yilda LG va Kanadaning Magna International avtomobil etkazib beruvchilari LG Magna e-Powertrain deb nomlanuvchi qoʻshma korxonani ishga tushirdi. Yangi qoʻshma korxona elektromobillarda ishlatiladigan motorlar, invertorlar va bort zaryadlovchilar kabi komponentlarni ishlab chiqaradi[9].


Savdo aylanmasi[tahrir | manbasini tahrirlash]

▲ $78,891 mlrd (2009-yil) Sof foydasi

▲ $1,205 mlrd (2009-yil)

Xalqaro bozorlar[tahrir | manbasini tahrirlash]

2012-yil 30-noyabrda comScore 2012-yil oktyabr oyidagi AQShning mobil abonentlari bozori ulushi toʻgʻrisidagi hisobotini eʼlon qildi, natijada LG kompaniyasi AQShning mobil aloqa bozorida Apple Inc.dan keyingi oʻrinni yoʻqotdi[10].

2013-yil 20-yanvarda Counterpoint Research LG kompaniyasini ortda qoldirib, AQSh bozorida ikkinchi oʻrinni egallaganini eʼlon qildi[11].

2013-il 7-avgustda comScore 2013-il iyun oyida AQSh smartfonlari abonentlari bozori ulushi toʻgʻrisidagi hisobotni eʼlon qildi, natijada LG AQSh mobil bozori ulushi boʻyicha beshinchi oʻringa tushib ketdi[12].

Birlashgan kompaniyalar[tahrir | manbasini tahrirlash]

Tarkibi va moliyaviy holati[tahrir | manbasini tahrirlash]

LG korporatsiyasi butun dunyo boʻylab elektronika, kimyo va telekom sohalarida 30 dan ortiq kompaniyalar orqali faoliyat yurituvchi xolding kompaniyasi hisoblanadi. Uning elektronika shoʻba korxonalari va raqamli maishiy texnikadan tortib televizorlar va mobil telefonlargacha, yupqa plyonkali tranzistorli suyuq kristallli displeylardan tortib, xavfsizlik moslamalari va yarimoʻtkazgichlargacha boʻlgan mahsulotlarni ishlab chiqaradi va sotadi.

Kimyo sanoati sohasida shoʻba korxonalar kosmetika, sanoat toʻqimachilik, qayta zaryadlanuvchi batareyalar, toner mahsulotlari, polikarbonatlar, dori-darmonlar, bezak materiallarni oʻz ichiga olgan mahsulotlarni ishlab chiqaradi va sotadi. Uning telekommunikatsiya mahsulotlariga shaharlararo va xalqaro telefon xizmatlari, mobil va keng polosali telekommunikatsiya xizmatlari, shuningdek, konsalting va telemarketing xizmatlari kiradi. LG, shuningdek, „Coca-Cola Korea Bottling Company“ bilan ishlaydi, ko'chmas mulkni boshqaradi, menejment boʻyicha konsalting taklif qiladi va professional sport klublarini boshqaradi.

Faoliyat sohalari Kompaniyalar 2013-yilgi daromadi (milliard AQSh dollarida)
Xolding LG Corp. 8,8 milliard AQSh dollari[13]
Elektron sanoat LG Electronics
LG Display
LG Innotek
55,8 milliard AQSh dollari[14]
25,9 milliard AQSh dollari[15]
5,9 milliard AQSh dollari[16]
N/A
N/A
Kimyo sanoati LG Chem
LG Household & Health Care
LG Hausys
LG MMA
22,2 milliard AQSh dollari[17]
4,1 milliard AQSh dollari[18]
2,6 milliard AQSh dollari[19]
N/A
N/A
Telekommunikatsiya va xizmatlar LG Uplus
LG International Corp.
LG CNS
SERVEONE
LG N-Sys
11 milliard AQSh dollari[20]
11,6 milliard AQSh dollari [20]
N/A
N/A
N/A

Oilaviy guruhlar[21][tahrir | manbasini tahrirlash]

Elektron sanoat[tahrir | manbasini tahrirlash]

  • LG Electronics
  • LG Appliances
  • LG Display
  • LG Innotek
  • ZKW Group

Kimyo sanoati[tahrir | manbasini tahrirlash]

  • LG Chem
  • SEETEC
  • LG Household & Health Care
    • Ĭsa Knox
    • Haitai HTB
    • The Face Shop
    • Beyond
  • Coca-Cola Beverage Company (South Korea)
  • LG Lever Korea

Telekommunikatsiya[tahrir | manbasini tahrirlash]

Sport homiyligi[tahrir | manbasini tahrirlash]

LG „LG Twins“ va „Changwon LG Sakers“ kompaniyasining bosh homiysi sifatida egalik qiladi hamda „Texas Reynjers“ kompaniyasining hamkori[22].

Havolalar[tahrir | manbasini tahrirlash]

Manbalar[tahrir | manbasini tahrirlash]

  1. "Overview". LG Corp. Retrieved on 6-yanvar 2010-yil. "Address: LG Twin Towers, 20 Yeouido-dong, Yeongdeungpo-gu, Seoul 150–721, Korea"
  2. „HISTORY - The Official Site of LG Group“. www.lg.net. 19-noyabr 2008-yilda asl nusxadan arxivlandi. Qaraldi: 13-avgust 2021-yil. Arxivlandi 2008-11-19 Wayback Machine saytida.
  3. 3,0 3,1 3,2 Song, Su-hyun. „LG founder bequeaths principle of harmony, sustainable growth“, The Korea Herald.
  4. „LG Chair Koo Bon-moo, Who Ran Company for 23 Years, Dies at 73“. Fortune (20-may 2018-yil). Qaraldi: 29-aprel 2019-yil.
  5. „LG Chair Koo Bon-Moo Dies, Leaves Company to Adopted Son“, Bloomberg (20-may 2018-yil).
  6. „«LG» смартфонлар ишлаб чиқаришни тўхтатди“. Bugun.uz. Qaraldi: 5-aprel 2021-yil.
  7. „연혁 : LG히다찌 주식회사“(kor.). www.lghitachi.co.kr. Qaraldi: 28-sentabr 2020-yil.
  8. LG Display shares drop 5.4 percent on Philips stake sale. Reuters. Retrieved on 11-noyabr 2010-yil.
  9. „LG and Magna announce billion dollar joint venture in electric car gear“. www.reuters.com. Thomson Reuters. Qaraldi: 11-aprel 2021-yil.
  10. comScore Reports October 2012 U.S. Mobile Subscriber Market Share – comScore, Inc. Comscore.com (30-noyabr 2012-yil). Retrieved on 2013-07-12.
  11. (koreyscha) LG Electronics returns to 2nd place in U.S. handset market. Yonhap News (20-yanvar 2013-yil). Retrieved on 2013-07-12.
  12. comScore Reports June 2013 U.S. Smartphone Subscriber Market Share – comScore, Inc. Comscore.com (7-avgust 2013-yil). Retrieved on 2013-08-14.
  13. „LG CORP (003550:Korea SE): Financial Statements - Bloomberg“. businessweek.wallst.com. Qaraldi: 3-sentabr 2018-yil.
  14. „LG ELECTRONICS INC (066570:Korea SE): Financial Statements - Bloomberg“. businessweek.wallst.com. 6-sentabr 2018-yilda asl nusxadan arxivlandi. Qaraldi: 6-sentabr 2018-yil. Arxivlandi 2018-09-06 Wayback Machine saytida.
  15. „LG DISPLAY CO LTD (034220:Korea SE): Financial Statements - Bloomberg“. businessweek.wallst.com. 21-sentabr 2018-yilda asl nusxadan arxivlandi. Qaraldi: 21-sentabr 2018-yil. Arxivlandi 2018-09-21 Wayback Machine saytida.
  16. „LG INNOTEK CO LTD (011070:Korea SE): Financial Statements - Bloomberg“. businessweek.wallst.com. 2-oktabr 2018-yilda asl nusxadan arxivlandi. Qaraldi: 2-oktabr 2018-yil. Arxivlandi 2018-10-02 Wayback Machine saytida.
  17. „LG CHEM LTD (051910:Korea SE): Financial Statements - Bloomberg“. businessweek.wallst.com. 22-oktabr 2018-yilda asl nusxadan arxivlandi. Qaraldi: 22-oktabr 2018-yil. Arxivlandi 2018-10-22 Wayback Machine saytida.
  18. „Lg Household & Health Care (051900:Korea SE)“. businessweek.com. Qaraldi: 24-aprel 2014-yil. [sayt ishlamaydi]
  19. „Lg Hausys Ltd (108670:Korea SE)“. businessweek.com. Qaraldi: 24-aprel 2014-yil. [sayt ishlamaydi]
  20. 20,0 20,1 „Consumer Durable Sector Analysis | Top 8 Consumer Products Companies In India“. investyadnya.in. Qaraldi: 20-dekabr 2018-yil.
  21. LG.com „Our Businesses - The Official Site of LG Group“. www.lgcorp.com. 25-aprel 2017-yilda asl nusxadan arxivlandi. Qaraldi: 7-aprel 2017-yil. Arxivlandi 2017-04-25 Wayback Machine saytida.
  22. „Texas Rangers, LG Twins announce partnership agreement“. Major League Baseball (21-fevral 2018-yil). Qaraldi: 22-iyun 2019-yil.