Kaolin

Vikipediya, ochiq ensiklopediya
Jump to navigation Jump to search

Kaolin (Xitoyning Szyansi provinsiyasidagi joy nomidan) — oq rangli gil, asosan, kaolinitsan tashkil topgan. Vulkanizm bilan bogʻliq boʻlgan granit, gneys, slanets va b. tarkibida dala shpatlari boʻlgan togʻ jinslarining nurashidan yoki gidrotermal oʻzgarishidan hosil boʻladi (birlamchi K.). Kvars va b. oʻzgarmagan minerallar bilan aralashgan holda uchraydi. Birlamchi K. yuvilib, turgʻun suv qavzalarida qum orasida mayin dispers gil choʻkindilaridan iborat qatlam, linza shakllarini hosil qilsa, undagi K. ikkilamchi K. deyiladi. Yer yuzasiga yaqin yotuvchi K. ochiq usulda qazib olinadi, keyin boyitiladi. K. qogʻoz, chinni, fayans, kimyo, rezina sanoatida, oʻtga chidamli buyumlar va izolyatorlar tayyorlashda ishlatiladi. K.ning jahondagi resurslari 20 mlrd. t chamasida, shuning yarmiga yaqini AQShda. K. konlari Ukraina, Kavkaz, Uralda, Oʻzbekistonda Ohangaron, Suvqaytdi, Qarnob, Quvasoy, Ovminzatogʻ, Oltintogʻda bor.[1]

Manbalar[tahrir]

  1. OʻzME. Birinchi jild. Toshkent, 2000-yil