Ivakura (Aichi)

Iwakura
Iwakura; 岩倉市
	Shahar
	; Bayroq ; Gerb
	35°16′46.0″N 136°52′17.1″E / 35.279444°N 136.871417°E G OKoordinatalari: 35°16′46.0″N 136°52′17.1″E / 35.279444°N 136.871417°E G O
Mamlakat	Yaponiya
Viloyat	[[Chūbu ; Tōkai]]
Prefektura	Aichi
Hukumat
• Mayor	Katsurao Kubota (2017-yil yanvardan buyon)
Maydon	10.47 km2 (4.04 mi²)
Rasmiy til(lar)i	yapon
Aholisi (2019-yil 1-oktyabr)	47 929 kishi
Zichligi	auto kishi/km2
Vaqt mintaqasi	UTC+9:00
Telefon kodi	0587-66-1111
	Iwakura

Ivakura (yaponcha: 岩倉市 Ivakura-shi^?) Yaponiyaning Aichi prefekturasida joylashgan shahardir. 2019-yil 1-oktabr holatiga ko‘ra, shahardagi 21805 ta xonadonda 47929 nafar aholi istiqomat qiladi, aholi zichligi — har kvadrat kilometrga 4578 nafarni tashkil etadi^[1]. Shaharning umumiy maydoni 10,47 kvadrat kilometr (4,04 mi²) ga teng. Ivakura har yili mart oyining oxirida oʻtkaziladigan olcha gullari festivali bilan mashhur. Ivakuraning gilos guli „Gojo daryosi“ shaharning ramzi boʻlib, Yaponiyadagi gilos gullaydigan eng yaxshi 100 ta joydan biri hisoblanadi.

Geografiyasi[tahrir | manbasini tahrirlash]

Ivakura Aichi prefekturasining shimoli-gʻarbiy mintaqasidagi Nobi tekisligida, sobiq Ovari viloyatining markazida joylashgan. Goʻzal Gojo daryosi shahar ichidan oqib oʻtadi, shahar hududi dengiz sathidan atigi sakkiz-oʻn ikki metr balandlikda joylashgan.

Iqlimi[tahrir | manbasini tahrirlash]

Shahar issiq va nam yoz va nisbatan yumshoq qish bilan tavsiflangan iqlimga ega (Köppen iqlim tasnifi Cfa). Ivakurada oʻrtacha yillik harorat 15,6 °C ni tashkil etadi. Yillik oʻrtacha yogʻin miqdori 1758 mm, sentyabr esa eng seryogʻin oy hisoblanadi. Avgustda eng yuqori harorat 28,2 °C atrofida, eng past harorati esa yanvarda, 4,3 °C atrofida boʻladi^[2].

Demografiyasi[tahrir | manbasini tahrirlash]

Yaponiya aholini roʻyxatga olish maʼlumotlariga koʻra^[3], Ivakura aholisi soni soʻnggi 70 yil ichida oʻsib bormoqda.

Aholining oʻsishi
Yil	Aholi	±%
1940	9,521	—
1950	13,029	+36.8%
1960	14,431	+10.8%
1970	38,843	+169.2%
1980	42,8	+10.2%
1990	43,807	+2.4%
2000	46,906	+7.1%
2010	47,329	+0.9%

Atrofdagi munitsipalitetlar[tahrir | manbasini tahrirlash]

Aichi prefekturasi

Tarixi[tahrir | manbasini tahrirlash]

Kelib chiqishi～Oʻrta asrlar[tahrir | manbasini tahrirlash]

Zamonaviy Ivakuraning hozirgi hududi Jomon davrida va Yayoi davrida shakllangan boʻlib, bu yerda Heian va Kamakura davrlarida shoen feodal mulklari hukmronlik qilgan.

Ilk zamonaviy davr[tahrir | manbasini tahrirlash]

Sengoku davrida Oda sulolasining bir tarmogʻi tomonidan boshqarilgan. Bu hudud, shuningdek, Edo davrida Tokugava syogunati ostida Tosa viloyatida hukmronlik qilgan Yamauchi sulolasining ajdodlari uyi hisoblanadi.

Kechki zamonaviy davr[tahrir | manbasini tahrirlash]

Meidzi davri boshlanganidan keyin zamonaviy munitsipalitetlar tizimining oʻrnatilishi bilan 1889-yilda Aichi prefekturasining Niva tumanida Ivakura qishlogʻi tashkil etilgan. U 1892-yilda shahar maqomiga koʻtarildi va 1906-yilda uchta qoʻshni qishloq bilan birlashish orqali kengaytirildi.

Zamonaviy tarixi[tahrir | manbasini tahrirlash]

Ivakura 1971-yil 1-dekabrda shahar maqomiga koʻtarildi.

Hukumat[tahrir | manbasini tahrirlash]

Ivakurada toʻgʻridan-toʻgʻri saylanadigan mer hamda 15 aʼzodan iborat bir palatali shahar qonun chiqaruvchi organi boʻlgan mer-kengash boshqaruv shakli mavjud. Shahar Aichi prefekturasi assambleyasiga bir aʼzoni qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining Aichi tumani tarkibiga kiradi. Ivakura meriyasi Aichi prefekturasidagi eng nufuzli mahalliy hukumat tashkilotlaridan biri sifatida tan olingan.

Iqtisodiyoti[tahrir | manbasini tahrirlash]

Ivakura anʼanaviy ravishda ipakchilik sanoati bilan ajralib turardi. Hozirda qishloq xoʻjaligi va yengil sanoat mahalliy iqtisodiyotda ustunlik qilmoqda.

Iqtisodiyotning ikkilamchi sektori[tahrir | manbasini tahrirlash]

Ishlab chiqarish[tahrir | manbasini tahrirlash]

Ishizuka Glass Co., Ltd bosh qarorgohi Ivakura shahrida joylashgan.

Taʼlim tizimi[tahrir | manbasini tahrirlash]

Maktablar[tahrir | manbasini tahrirlash]

Ivakurada shahar hukumati tomonidan boshqariladigan beshta davlat boshlangʻich maktabi va ikkita davlat oʻrta maktabi hamda Aichi prefekturasi taʼlim kengashi tomonidan boshqariladigan bitta davlat yuqori maktabi faoliyat yuritadi. Ivakurada braziliyalik koʻplab aholi istiqomat qiladi hamda shahar hokimiyati maʼlumotlari har doim ingliz va portugal tillarida tarqatiladi. Ivakurada chet tili va madaniyatini targʻib qiluvchi taʼlim tizimi ham mavjud.