Imageboard

Imageboard (imijbord; ingl. "tasvir taxtasi") internet-forumning bir turi boʻlib, undagi bahs-munozaralarda tasvirlar asosiy oʻrinni egallaydi. Odatda anonim xabarlar yoziladi. Ilk imageboardlar Yaponiyada paydo boʻlgan.

Imageboardlar boshqa forumlardan farqli oʻlaroq roʻyxatdan oʻtishni talab etishmaydi. Buning oqibatida ularda anonim foydalanuvchilar xabarlar yozib, muloqot ancha erkin xarakterga ega boʻladi.

Bugungi kunda faoliyat yuritayotgan imageboardlarga quyidagilar misol boʻladi:

• Futaba Channel - ilk imageboardlardan biri, yaponcha.
• 4chan - dunyoning eng katta forumi, inglizcha.
• iichan - animega bagʻishlangan imageboard, inglizcha.
• Krautchan - "xalqaro" taxtaga ega imageboard, olmoncha.