Gretsiya — Kanada munosabatlari
 | |
 Yunoniston |
 Kanada |
Gretsiya — Kanada munosabatlari Gretsiya va Kanada oʻrtasidagi ikki tomonlama tashqi aloqalardir. Har ikki davlat 1942-yilda birinchi marta elchi almashgan. Davlatlar BMT, Iqtisodiy hamkorlik va taraqqiyot tashkiloti, Yevropada xavfsizlik va hamkorlik tashkiloti, NATO ga aʼzo. Gretsiyaning Ottavada elchixonasi, shuningdek Monreal, Toronto va Vankuverda 3 ta bosh konsullik bor. Kanadaning Afinada konsullik boʻlimiga ega elchixonasi, shuningdek Salonikidagi faxriy konsulligi bor. Kanadada katta yunon jamiyati mavjud.
Tarixi[tahrir | manbasini tahrirlash]
Kanadaga yunon immigratsiyasi 1843-yilda yunon muhojirlari Monrealga kelib joylasha boshlaganida boshlangan. 1941-yilga kelib Kanadada 5000 dan ortiq yunon muhojirlari istiqomat qilishgan[1]. Ikkinchi jahon urushi paytida ikkala xalq ham Italiya kampaniyasi paytida yonma-yon kurashgan. 1942-yilda Kanada Gretsiya hukumati bilan diplomatik aloqalar oʻrnatgan[2]. Oradan koʻp oʻtmay, har ikki davlat bir-birining poytaxtlarida mos ravishda diplomatik vakolatxonalarini ochdilar.
Bugungi kunda 243 000 dan ortiq kanadaliklar yunon kelib chiqishiga daʼvo qilmoqda. [4] 2012-yilda har ikki xalq oʻrtasida diplomatik munosabatlar oʻrnatilganining 70 yilligini nishonladi.
Ikki tomonlama shartnomalar va bitimlar roʻyxati[tahrir | manbasini tahrirlash]
Yuk tashish kompaniyalarini soliqqa tortish toʻgʻrisidagi shartnoma (1929)
Ijtimoiy himoya shartnomasi (1981)
Rejalashtirilgan havo qatnovi shartnomasi (1987)
Qayta koʻrib chiqilgan rejalashtirilgan havo qatnovi shartnomasi
Ikki tomonlama soliq shartnomasi
Savdo aloqalari[tahrir | manbasini tahrirlash]
Gretsiya Kanadaga konserva, alyuminiy, yogʻlar, oʻgʻitlar eksport qiladi. Kanadaning Gretsiyaga asosiy eksporti qogʻoz, moʻyna, asbob-uskunalar, sabzavotlar, aviatsiya mahsulotlari va farmatsevtika[3]. 1996-yilda Kanada va Gretsiyada faoliyat yurituvchi kanada kompaniyalari bilan ishlovchi yunon biznes vakillari Gretsiya Kanada Savdo-sanoat palatasini tuzdilar. Palataning vazifasi savdo, moliya xizmat koʻrsatish va investitsiyalar sohalarida ikki mamlakat oʻrtasidagi ishbilarmonlik aloqalarini rivojlantirishga koʻmaklashishdan iborat. .
2011-yilda Gretsiya va Kanada oʻrtasidagi oʻzaro tovar ayirboshlash hajmi 256,3 million dollarga yetdi. Asosan oziq-ovqat mahsulotlari, yogʻlar (qayta ishlanmagan), shuningdek, temir va poʻlatdan iborat boʻlgan Gretsiya eksporti 2011-yilda 168,2 million AQSh dollarini tashkil etdi. Kanadaning Gretsiyaga eksporti 88,1 million AQSh dollariga yetgan, bunda asosan moʻyna, sabzavotlar va farmatsevtika mahsulotlari asosiy oʻrinni egallagan.
Manbalar[tahrir | manbasini tahrirlash]
- ↑ Historica Canada: Greeks
- ↑ 70th anniversary of Greek-Canadian diplomatic relations
- ↑ „Canada-Greece Relations“. 17-oktabr 2017-yilda asl nusxadan arxivlangan. Qaraldi: 17-aprel 2017-yil.