German Yugay

German Yugay
Tavalludi	19-fevral 1920-yil; Primorsk viloyati, Nikolsk-Ussuri tumani, Borisov volosti, Tyapigou qishlogʻi
Vafoti	19-dekabr 1979-yil
Kasbi	kolxozchi
Mukofotlari

German Yugay, koreyscha ismi – Yu Vyn Sik (1920-yil 19-fevral, Primorsk viloyati, Nikolsk-Ussuri tumani, Borisov volosti, Tyapigou qishlogʻi — 1979-yil 19-dekabr) — Oʻzbekiston SSR, Xorazm viloyati, Gurlan tumani, Vazir qishloq soveti Stalin nomidagi kolxoz zvenosi boshligʻi. Sotsialistik Mehnat Qahramoni (1950)^[1]^[2].

Biografiyasi[tahrir | manbasini tahrirlash]

1920-yilda (boshqa maʼlumotlarga koʻra, 1922-yilda) Nikolsk-Ussuri tumani Tyapigou qishlogʻida dehqon oilasida tugʻilgan^[1]. 1937-yilda ota-onasi bilan birga Oʻzbekiston SSR Xorazm viloyatidagi maxsus aholi punktiga surgun qilinadi. 1943-yilda Gurlan tumanidagi Andreyev nomidagi maktabning 10-sinfini tamomlagan^[1].

Gurlan tumanidagi Stalin nomidagi kolxozda (1960-yillardan „Kommunizm“ kolxozida) oddiy kolxozchi, sholichilik mudiri, chorvachilik fermasi boshligʻi, chorvachilik boʻyicha rais oʻrinbosari boʻlib ishlagan^[1].

1949-yilda German Yugay rahbarligidagi zveno 5 gektar maydonning har gektaridan oʻrtacha 80 sentnerdan sholi yigʻib oldi. SSSR Oliy Kengashi Prezidiumining 1950-yil 13-iyundagi farmoni bilan „Qishloq xoʻjaligi mahsulotlarining barcha turlari boʻyicha majburiy yetkazib berish shartnomalarini bajargani, sugʻoriladigan yerlardan sholi, paxta va yashil kanoplardan yuqori hosil olganligi, 1949-yilda MTS ishi uchun natura shaklida toʻlovlar amalga oshirgani va 1950-yilda bahorgi ekinlarni ekish uchun barchani urugʻlik bilan taʼminlaganligi uchun“ Lenin ordeni va Oʻroq va Bolgʻa oltin medali, Sotsialistik Mehnat Qahramoni unvoni bilan taqdirlangan^[1].

1957-yilda Toshkent qishloq xoʻjaligi institutini tamomlagan. 1966-yilgacha Gurlan tumanidagi Stalin nomidagi kolxozda agronom boʻlib ishlagan. 1967-yildan Gurlan qishloq xoʻjaligi boshqarmasi agronom-entomologi, 1971-yildan 1975-yilgacha Gurlan tumanidagi „Kommunizm“ kolxozining „Oxunboboy“ paxtachilik uchastkasi boshligʻi, paxtachilik brigadasi brigadiri^[2].

1979-yil 19-dekabrda vafot etgan^[2]. Gurlan tumanidagi sobiq „Kommunizm“ kolxozi qabristoniga dafn etilgan.

Mukofotlari[tahrir | manbasini tahrirlash]

Sotsialistik Mehnat Qahramoni,
Lenin ordeni,
„1941-1945 yillar Ulugʻ Vatan Urushida jasorat bilan qilgan xizmatlari uchun“ medali,
"Mehnatda oʻrnak koʻrsatganlik uchun" medali (1972).

Manbalar[tahrir | manbasini tahrirlash]

↑ ^1,0 ^1,1 ^1,2 ^1,3 ^1,4 „Югай Герман“.
↑ ^2,0 ^2,1 ^2,2 „ВЭКС. Герой Социалистического труда Югай Герман“.

Adabiyotlar[tahrir | manbasini tahrirlash]

Шин Д. В., Советские корейцы Герои Социалистического труда, Алматы: Service Press, 2019
Ким П. Г., Корейцы Республики Узбекистан, Ташкент: Узбекистон. 1993
Ким Б. И., Корейцы Узбекистана. Кто есть кто, Ташкент, 1999

Havolalar[tahrir | manbasini tahrirlash]

Герман Ким, Герой Социалистического труда Югай Герман, Видео-Энциклопедия корё сарам

[:0-1] 1,0 ^1,1 ^1,2 ^1,3 ^1,4 „Югай Герман“.

[:1-2] 2,0 ^2,1 ^2,2 „ВЭКС. Герой Социалистического труда Югай Герман“.

[1]

[2]