Garash

Garash — XX asr boshlarida Bolgariyada yaratilgan shokoladli tort. Uni tayyorlashda un ishlatilmasligi bilan ajralib turadi, un oʻrniga maydalangan yongʻoq ishltiladi.

Tarix

Tort 1885-yilda, Bolgariyaning Russ shahriga kelgan avstro-Vengriya qandolatchisi Kosta Garash tomonidan yaratilgan. Shaharda u Bolgariya shahzodasi Aleksandr Battenbergning qarorgohidan unchalik uzoq boʻlmagan joyda joylashgan Islaj Hane Grand mehmonxonasini boshqargan va koʻpincha olijanob shaxslarni qabul qilgan. Taniqli mehmonlarni hayratda qoldirish uchun Kosta Garash oʻzining mashhur tortini yaratdi. Toʻrtning, asl retsepti Russ davlat arxivida saqlanadi.

Keyinchalik, 1900-yilda Kosta Garash Sofiyaga koʻchib oʻtdi va u yerda Panah mehmonxonasini boshqarishni oʻz zimmasiga oldi. Birinchi qavatda qandolat fabrikasi joylashgan boʻlib, u erda poytaxt aholisi Garash boʻlagiga buyurtma berishlari mumkin edi. Koʻpchilik uchun tort retsepti birinchi boʻlib Poliksena Semerdjieva va Xristo Semerdjievning 1935-yilda Gornaya Oryaxovitsada (1936-yilda Sofiyada qayta nashr etilgan) nashr etilgan „Zamonaviy qandolatchilik va vegetarian oshxonasiga amaliy qoʻllanma“ kitobida paydo boʻldi.

Pishirish

Tuxumning oqi sarigʻidan ajratiladi, maydalangan yongʻoq va shakar bilan qamchilanadi. Olingan massadan 5-6 ta bezeli korjlar pishiriladi. Sariyogʻ, tuxum, shakar, kakao kukuni bilan shokoladli krem tayyorlanadi va korjlarga singdirilgan. Oxirgi korjni qoʻygandan soʻng, tort qolgan krem bilan quyiladi, kokos kukuni sepiladi va 3-5 soat davomida muzlatgichga qoʻyiladi. Odatda tort past, 5 sm boʻladi.

Adabiyotlar

• Angela García, Hans Geel. Tartas del mundo. Penguin Random House Grupo Editorial, 2015 — 76 bet. ISBN 978-84-03-51070-8.