Etihad Stadium

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Etihad Stadium
Joyi Manchester, Angliya bayrogʻi Angliya
Qachon qurilgan 2002-yil
Qachon ochilgan 2002-yil 25-iyul
Egasi Manchester shahar kengashi
Yuzasi oʻt (Desso GrassMaster)
Inshoot narxi £112 mln
Meʼmor Arup Group
KSS Design Group
Populous
Hajmi 55.097
Maydon oʻlchami 105m × 68m
Maydon egalari
Manchester City

«Etihad» stadioniAngliyaning Manchester shahridagi oʻyingoh. Manchester Cityning uy stadioni. Angliya Premyer-ligasidagi to'rtinchi va Buyuk Britaniyadagi sakkizinchi yirik stadion.

Stadionning tamal toshi 1999-yil dekabr oyida bosh vazir Anthony Blair tomonidan qoʻyilgan boʻlib, qurilish ishlari 2000-yil yanvar oyida boshlangan. Futbol stadioni sifatida 2003-yil 10-avgustda ochilgan.

«Manchester Siti» stadion nomini o'zgartirish huquqi bilan birglaikda 250 yillik ijara shartnomasini imzolagan. 2011-yilning iyul oyida klub bosh homiysi, Birlashgan Arab Amirliklarining Etihad Airways aviakompaniyasi bilan 10 yillik shartnoma imzolagani doirasida stadion nomini Etihad deb o'zgartirdi.

2014-yil yanvar oyida rekonstruksiya boshlandi, shundan so'ng stadion 55 000 tomoshabinni sig'dira boshladi[1]. Rekonstruksiyadan so'ng, stadion regbi bo'yicha 2015-yilgi Jahon kubogi o'yinlari oʻtkaziladigan arenalardan biri aylandi. Kelajakda darvoza ortida qoʻshimcha yaruslar qurish rejalashtirilgan. Rekonstruksiyaning ikkinchi bosqichidan soʻng stadionning umumiy sigʻimi 62.170 kishini tashkil qilishi rejalashtirilmoqda[2]. Tomoshabinlar tashrifi boʻyicha rekord 2015-yilning 26-dekabrida oʻtkazilgan “Sanderlend”ga qarshi oʻyinda oʻrnatilgan edi - oʻshanda tribunada 54.523 tomoshabin oʻtirgan edi.

Stadion strukturasi[tahrir | manbasini tahrirlash]

Etihadning tashqaridan koʻrinishi, 2015-yil

Tribunalar[tahrir | manbasini tahrirlash]

Aksariyat stadionlar singari, Etihad tribunalari ham dastlab ufq tomonlari nomlari bilan atalgan edi. «Manchester Siti» arenaga ko'chib kelgandan so'ng vaziyat o'zgardi. Klub muxlislari tribunalar nomida jamoa afsonalari va ularning eski stadioni - Meyn Roud xotirasini abadiylashtirishga qaror qilishdi. Bu tashabbusni klub rahbariyati, xoʻjayinlari ham qoʻllab-quvvatladi. Natijada, 2004-yilgi ovoz berish natijalariga koʻra tribunalar quyidagi nomlarga ega boʻlishdi:

  • G'arbiy tribunaga Manchester Sitining sobiq futbolchisi Colin Bellning nomi berilgan;
  • Shimoliysi Family Stand deb ataldi - bu oilaviy tribuna hisoblangan;
  • Sharqiy qismi muxlislarga moʻljallangan va Kippax deb ataladi, bu nom Meyn Rouddagi shunga o'xshash tribunadan olingan.
  • Janubiy - South Stand - mehmon jamoa muxlislari uchun boʻlgan.

Quyosh nuri maysazorga iloji boricha yaxshiroq yetib borishi uchun stadion tomining bir qismi shaffof holga keltirilgan. Stadion 218 ta yorug'lik chiroqlari bilan yoritiladi.

Transport[tahrir | manbasini tahrirlash]

«Etihad» stadioni Manchesterning deyarli markazida joylashgan. Pikkadilli (shahar vokzali)dan futbol arenasigacha piyoda 40 daqiqada borish mumkin (3.5 km), ammo ko'pchilik muxlislar metrodan foydalanishni afzal ko'rishadi. Bu esa 2 barobar kamroq vaqt talab etadi.

Asosiy voqealar[tahrir | manbasini tahrirlash]

2002-yilda stadion Hamdo'stlik o'yinlariga mezbonlik qilgan.

2004-yil 1-iyun kuni oʻyingohda Angliya va Yaponiya terma jamoalari oʻrtasida oʻrtoqlik uchrashuvi boʻlib oʻtdi.

2005-yilda Angliya ayollar o'rtasidagi Yevropa chempionatiga mezbonlik qildi. Stadion guruh bosqichining bitta Angliya – Finlyandiya o'yiniga mezbonlik qildi.

2006-yil 4-oktabrda Manchester shahri 2007/2008-yilgi UEFA kubogi finaliga mezbonlik qilishi e'lon qilindi. 2008-yilning 14-may kuni stadionda UEFA kubogi turniri tarixidagi 50-final bo'lib o'tdi. Unda Rossiyaning «Zenit» va Shotlandiyaning «Reynjers» klublari uchrashdi. "Zenit" o'z tarixida birinchi marta chempionlik shohsupasiga koʻtarildi.

2015-yilning yozida stadion bitta tribunaga kengaytirilib, salkam 8.000 oʻrindiq qoʻshildi.

2015-yilda stadionda regbi bo'yicha Jahon kubogi o'yinlari bo'lib o'tdi.

Manbalar[tahrir | manbasini tahrirlash]