Danas Rapšis
| Danas Rapšis | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Litva |
| Tavallud sanasi |
1995-yil 21-may Panevėžis, Litva |
| Boʻyi | 1.86 m |
| Vazni | 80 kg |
| Sport | |
| Mamlakat | Litva |
| Qaysi sport | Suzish |
| Klubi | Panevežis Žemina |
| Murabbiy(lar)i | Ina Šimeliūnaitė-Paipelienė |
Danas Rapšis (1995-yil 21-mayda tugʻilgan) – litvalik suzuvchi. Ikki bora olimpiada ishtrokchisi. Erkaklar oʻrtasida oʻtkazilgan chalqancha, fristayl va butterfly usullarida suzish boʻyicha bir necha marta rekord oʻrnatgan. Tayvanda oʻtkazilgan 2017-yilgi yozgi universiadada ikki yoʻnalish boʻyicha chempionlikni qoʻlga kiritgan. Rapšis Panevežis Žemina klubining aʼzosi boʻlib, jamoa murabbiyi Ina Paipelienėdir.
2013-yilgi mavsum[tahrir | manbasini tahrirlash]
2013-yilda Danas yevropa yoshlar chempioni boʻlgan. 2013-yilgi yoshlar oʻrtasidagi suzish boʻyicha jahon chempionatida Birlashgan Arab Amirliklarining Dubay shahrida Rūta Meilutitė, Povilas Strazdas, Eva Gliožerytėlar bilan 4×100 metr aralash estafetada raqobatlashgan. 4×100 metrlik aralash estafetada Danas jamoasi bilan birga 3:55.74 soniya vaqt bilan uchinchi oʻrinni egallagan. Va bu natija orqali final yoʻllanmasini qoʻlga kiritishgan. 4×100 metrlik aralash estafeta bahslari finalida Meilutitė, Rapšis, Strazdas va Gliožeritėlardan iborat jamoa 3:52.52 soniya natija bilan ikkinchi oʻrinni egallab kumush medallarni qoʻlga kiritishgan. 2013-yilgi suv sporti boʻyicha jahon chempionatida Danas 200 metrga chalqancha suzish musobaqasining yarim finaliga yetib borgan[1].
2017-yilgi mavsum[tahrir | manbasini tahrirlash]
2017-yilgi yozgi universiada[tahrir | manbasini tahrirlash]
Tayvanda boʻlib oʻtgan 2017-yilgi yozgi universiadada Rapšis toʻrtta bahsda ishtirok etgan: 100 metrga chalqancha suzish, 200 metrga fristayl, 200 metrga chalqancha suzish va 4×100 metrga aralash estafeta.
100 metrga chalqancha suzish musobaqalarida oʻz debyutini Rapšis 54:17 soniyali natija orqali bronza medalini qoʻlga kiritish bilan boshlagan. Danasni kumush medaldan 0.05 soniya farq bilan yaponiyalik Kosuke Hagino ajratib qolgan[2]. Rapšis 200 metrga fristayl usulida suzish musobaqasining final bosqichida 1:45.75 soniyalik natija bilan oltin medalni qoʻlga kiritgan va Litva milliy rekordini oʻrnatgan[3]. Danas 200 metrga chalqancha suzish boʻyicha final bahslarida ham qatnashgan va ballashuv oʻrtasiga kelib 7-oʻrinni egallab turgandi, lekin u kurashishdan toʻxtamadi, shu jumladan, oxirgi 50 metrni 28.87 soniyada bosib oʻtdi va oltin medal uchun katta qadam tashlab 1:56.52 soniyalik natija bilan chempionlikni nishonlagan[4].