Clarence House

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Clarence House
Clarence house.jpg
Aprel 2006
Umumiy maʼlumot
Turi Britaniyaning qirollik yashash joyi
Meʼmoriy uslubi 'Regency' Klassik
Manzili The Mall
Shahar London
Mamlakat Birlashgan Qirollik
Koordinatalar 51°30′14″N 0°08′19″W / 51.5040°N 0.1385°W / 51.5040; -0.1385 G OKoordinatalari: 51°30′14″N 0°08′19″W / 51.5040°N 0.1385°W / 51.5040; -0.1385 G O
Egasi Qirollik vakillari
Texnik holati
Qavatlar soni 4
Dizayn va konstruksiya
Meʼmor John Nash
Vebsayt
royal.uk/royal-residences-clarence-house
2008 yilda The Mall -dan ko'rilgan

Clarence House — Londonning Vestminster shahridagi The Mall (Vestminsterdagi shoh ko'cha)da joylashgan Britaniya qirollik qarorgohi .

U 1825–1827 yillarda Avliyo Jeyms saroyi yonida, bo'lajak qirol Uilyam IV, o'sha paytdagi Clarence gertsogi uchun qurilgan.

Yillar davomida u juda keng qamrovli qayta qurish va rekonstruksiyani boshdan kechirdi, ayniqsa, Ikkinchi Jahon urushida Blits paytida dushman tomonidan portlatish natijasida katta zarar ko'rganidan keyin qayta qurish boshlangan, o'sha paytda ham Jon Nesh tomonidan qurilgan asl binoning ozgina qoldiqlari bor edi. Bu bino Angliya milliy boyliklari ro'yxatiga kiritilgan va I darajaga ega. Uy har yozda taxminan bir oy, odatda avgust oyida tashrif buyuruvchilar uchun ochiq bo'ladi. To'rt qavatli uy och rangli arka bilan qoplangan.

Clarence House - Uels shahzodasi Charlz va uning rafiqasi Cornwall gersoginyasi Kamillaning rasmiy qarorgohi. 2003 yildan beri Clarence House atamasi Uels shahzodasi shaxsiy ofisining metonimi sifatida ishlatilib kelinadi. ( Avliyo Jeyms saroyi atamasi ilgari ishlatilgan. ) Clarence House 2003 yildan 2011 yil apreligacha shahzoda Uilyamning va 2003 yildan 2012 yil martigacha shahzoda Garrining rasmiy qarorgohi boʻlgan [1] 1953 yildan 2002 yilgacha u qirolicha Yelizaveta ning uyi edi [2] va u voqeadan ilgari esa bo'lajak qirolicha malika Elizabetning rasmiy uyi hisoblangan.

Tarixi[tahrir | manbasini tahrirlash]

Clarence Housening gravyurasi (1874)

Uy 1825-1827 yillarda Jon Nesh loyihasi asosida qurilgan. U 1830 yilda Buyuk Britaniya qiroli, oldinlari Clarence gertsogi bo'lgan, Uilyam IV (1830-1837 yillarda hukmronlik qilgan) tomonidan foydalanishga topshirilgan. U o'sha erda yashagan, chunki oldin o'zi yashagan qo'shni bino- qadimgi Tyudor davrida qurilgan Sent Jeyms saroyini judayam kichik va noqulay deb hisoblagan.

Uy Uilyam IV dan keyin uning singlisi malika Avgusta Sofiyaga va 1840 yilda malikaning vafotidan keyin qirolicha Viktoriyaning onasi Saks-Koburg-Saalfeld malikasi Viktoriyaga o'tdi . [3] 1866- yilda uy qirolicha Viktoriyaning ikkinchi o'g'li Saks-Koburg gertsogi va Gota (Edinburg gertsogi) Alfredning 1900 yilda vafotiga qadar mulkiga aylangan. [4]

Alfredning kichik ukasi qirolicha Viktoriyaning uchinchi o'g'liKonnat va Strathearnning gertsogi bo'lgan shahzoda Artur, 1900 yildan 1942 yildagi vafotigacha uydan foydalangan. Uning o'sha joyda yashashi davomida, 1930-yillarda binoda Sharq va Afrikashunoslik maktabi kutubxonasi joylashgan edi. Bu ham qisqa muddat davom etgan xolos chunki 1939-yilda Londondagi barcha universitetlar ko'chirilgan[5] va o'sha maktab kutubxonasi ham vaqtincha Kembrijga koʻchirilgan.[6]

Ikkinchi Jahon urushi paytida Clarence House Blits voqeasi (1940-1941)sodir bo'lgan paytda dushmanning bombardimon qilishidan zarar ko'rdi. 1942 yilda Connaught gersogi vafotidan so'ng, o'sha yildan to Ikkinchi Jahon urushining tugaguniga qadar uy Qizil Xoch va Sent-Jon tez yordam brigadasi tomonidan o'zlarining shtab-kvartirasi sifatida foydalanishgan.

1947 yilda o'zlarining nikohidan so'ng, u malika Yelizaveta va uning turmush o'rtog'i Edinburg gertsogi shahzoda Filippning qarorgohiga aylandi. Ularning qizi, malika Anna 1950 yil avgust oyida o'sha joyda tug'ilgan. 1953 yilda otasi qirol Jorj VI vafotidan so'ng (1952 yil 6 fevralda vafot etgan) malika Yelizaveta qirolicha Yelizaveta II sifatida taxtga o'tirdi va Bukingem saroyiga ko'chib o'tdi. Uning onasi, Ona qirolicha hisoblangan Yelizaveta singlisi malika Margaret Clarence Housega ko'chib o'tishdi. Bundan tashqari, bevaligining boshlang'ich bosqichida ona qirolicha Shotlandiyadagi Mey qal'asini yozgi qarorgoh sifatida sotib oldi.

Malika Margaret keyinchalik Kensington saroyidagi kvartiraga ko'chib o'tdi , [7] [8] ona qirolicha esa 2002 yil mart oyida vafot etguniga qadar Clarence House va Mey qasrida qoldi.

2002 yildan beri (ona qirolicha Yelizaveta vafotidan soʻng) Clarence House Uels shahzodasi Charlz va uning rafiqasi Cornwall gersoginyasi Kamillaning Londondagi qarorgohi boʻlib kelgan. 2011 yilda turmush qurguniga qadar bu uy shahzoda Uilyamning Londondagi qarorgohi edi.

Shuningdek qarang[tahrir | manbasini tahrirlash]

  • Birkhal - Shotlandiyaning Aberdinshir shahridagi uy; Uels shahzodasiga ona qirolicha Yelizavetadan meros qolgan
  • Highgrove House - Gloucestershire, Tetberi yaqinidagi uy, Uels shahzodasi va Cornwall gersoginyasining oilaviy qarorgohi
  • Llwynywermod - Uels, Karmarthenshirdagi uy; Cornwall gersogligiga tegishli

Manbalar[tahrir | manbasini tahrirlash]

  1. Prince Harry moves into Kensington Palace
  2. „Who lived in Clarence House?“. royalcollection.org. 19-iyun 2015-yilda asl nusxadan arxivlandi. Qaraldi: 19-iyun 2015-yil.
  3. Walford. „St James's Palace Pages 100–122 Old and New London: Volume 4. Originally published by Cassell, Petter & Galpin, London, 1878.“. British History Online. Qaraldi: 13-iyul 2020-yil.
  4. „History of Clarence House“. royal.gov.uk. 2-may 2014-yilda asl nusxadan arxivlandi. Qaraldi: 19-iyun 2015-yil.
  5. University of London: An Illustrated History: 1836–1986 By N. B. p. 255
  6. Nature, 1939, Vol. 144(3659), pp. 1006–1007
  7. „History of Clarence House“. royal.gov.uk. 2-may 2014-yilda asl nusxadan arxivlandi. Qaraldi: 19-iyun 2015-yil. "History of Clarence House". royal.gov.uk. Archived from the original on 2 May 2014. Retrieved 19 June 2015.
  8. Tori V. Martínez. „Palaces on the Periphery: Marlborough House and Clarence House“. Qaraldi: 19-iyun 2015-yil.