Charjau Abdirov

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish

Charjau Abdirovich Abdirov (1933.20.12, Qoraqalpogʻiston Respublikasi Qoraoʻzak shaharchasi – 1997.3.7, Nukus) – mikrobiolog olim. Oʻzbekiston Fanlar Akademiyasi akademik (1989), Qoraqalpogʻistonda xizmat koʻrsatgan fan arbobi (1979). Tibbiyot fanlari doktori (1973). Toshkent tibbiyot institutini bitirgach (1955), shu institut mikrobiologiya kafedrasining assistenti (1958– 61), Oʻzbekiston Respublikasi Fanlar Akademiyasi Qoraqalpogʻiston filialida katta ilmiy xodim (1961–69), Oʻzbekiston Teri-tanosil kasalliklari ilmiy tadqiqot instituti Qoraqalpogʻiston filiali direkombinatori (1969), Qoraqalpogʻiston Sogʻliqni saqlash vaziri (1969–76), Nukus davlat universiteti rektori (1976–85), Oʻzbekiston Fanlar Akademiyasi klinik va eksperimental tibbiyot ilmiy tadqiqot institutida boʻlim mudiri va direktor (1985-97). Asosiy ilmiy ishlari mikrobiologiya va immunologiya masalalariga bagʻishlangan. Oʻzbekiston Respublikasi Oliy Majlisining deputati va Oliy Majlisning Atrof muhit va tabiatni muhofaza qilish masalalari qoʻmitasi raisi (1994–97).

Adabiyotlar[tahrir | manbasini tahrirlash]

  • OʻzME. Birinchi jild. Toshkent, 2000-yil