BULUNGʻUR — Samarqand viloyatidagi shahar (1973 yildan). Bulungʻur tumash markazi. B.dan Samarqandgacha 31 km. Yaqin temir yoʻl stansiyasi — Bulungʻur. B.ni Katta Oʻzbekiston trakti kesib oʻtadi. Dengiz sathidan 736 m balandlikda. Aholisi 23,5 ming kishi (2000). B.da 7 sanoat korxonasi (vino, sut, gʻisht zavodlari), xalq isteʼmoli mollari, hunarmandchilik, uyroʻzgʻor buyumlari ishlab chiqaruvchi kichik xususiy korxonalar, 6 umumiy taʼlim maktabi, mehmonxona, kutubxonalar, xalq teatri, kasalxona, tugʻruqxona va boshqa bor.
