Amansio Ortega

Vikipediya, ochiq ensiklopediya
Jump to navigation Jump to search
Amansio Ortega
Amancio Ortega Gaona
Amansio Ortega
karikaturasi
Tavallud sanasi: 28-mart 1936 (1936-03-28) (82 yosh)
Tavallud joyi: Lion viloyati, Ispaniya
Turmush oʻrtogʻi: Rosaliya Mera (1966-1986), Flora Peres (2001-yildan)
Bolalari: Sandra Ortega Mera
Mark
Marta
Sayt: www.faortega.org

Amansio Ortega Gaona (isp. Amancio Ortega Gaona; 28-mart 1936-yil, Lion viloyati, Ispaniya) — tadbirkor, milliarder, Zara, Massimo Dutti[1], Bershka, Oysho, Pull & Bear, Uterque[2], Stradivarius kabi brendlarni oʻz ichiga olgan Inditex yirik korporatsiyasi rahbari[3][4]. Shuningdek, Ortega uy-joy, bank, turizm, gaz sanoatiga ham[3] sarmoya kiritgan. Futbol ligasida ulushi ham bor[5]. 2012-yilda Bloomberg uni Yevropaning eng boy kishisi[1] deb eʼlon qildi. 2013-yilda Forbes jurnalining dunyo boylari roʻyxatida 57 milliard dollar boyligi bilan 3-oʻrinni egalladi[6]. 2014-yilda uning boyligi 64 mlrd. dollarga yetdi.

Biografiyasi[tahrir]

Amansio kambagʻal xizmatchilar oilasida tugʻilgan. Yoshligidan kiyim doʻkonida tashuvchi boʻlib ishlagan[7]. Shu yerda Rosaliya Mera bilan tanishadi va keyinchalik (1966-yili) turmush quradi. 14 yoshida oilasi bilan boshqa shaharga koʻchib oʻtadi. Bu yerda bir italyan modelyeriga yordamchi boʻladi[8]. 1960-yili kiyim doʻkonlaridan birida menejer boʻladi[7]. 1972-yili u oʻz tikuvchilik fabrikasini ochadi[7]. 1975-yilda rafiqasi bilan “Zorba” nomli kiyim doʻkoniga asos soladi[7][9]. Keyinroq bu doʻkon “Zara” deb nomlandi[9]. 10 yildan soʻng Amansio ishlab chiqarish va savdo ishlari yirik xoldingiga asos soladi[7]. 1991-yili Pull & Bear, 1998-yili Bershka brendlari faoliyatini boshlaydi[10]. 2011-yilda Ortega “Inditex” kompaniyasi boshqaruvidan ketdi[5]. Shu yili 536 million dollarga Madriddagi 43 qavatli Pikasso minorasini sotib oldi[5]. 2017-yilda u dunyoning eng boy odami bo'ldi[11].

Manbalar[tahrir]


Bu sahifa oʻzbek vikipediya rivojlanishi birinchi bosqichidan oʻtgan.

Done

Agar siz ushbu maqola sifatidan mamnun boʻlmasangiz, ushbu sahifada fikrlaringizni yozib qoldiring.