Alla Anorov
| Allya Anarov | |
|---|---|
 | |
| Qirgʻiziston SSR Oliy Kengashi3, 4-chaqiriqlar deputat | |
| Shaxsiy maʼlumotlari | |
| Tavalludi |
1907-yil Fargʻona viloyati |
| Vafoti |
1979-yil 8-dekabr Oʻsh viloyati |
| Bolalari | 7 oʻgʻil va 2 qiz |
| Kasbi | SSSR, Qirgʻiziston paxtakori |
| Dini | Islom sunniylik |
| Mukofotlari |
 |
Alla Anorov — qirgʻizistonlik paxtakor, ikki marta Sotsialistik Mehnat Qahramoni (1948, 1951), SSSR Oliy Kengashining 5-chaqiriq va Qirgʻiziston SSR Oliy Kengashining 3 va 4-chaqiriqlari deputati.
Biografiyasi[tahrir | manbasini tahrirlash]
1907-yilda Oʻsh tumanida (hozirgi Qirgʻizistonning Oʻsh viloyati) kambagʻal dehqon oilasi tugʻilgan. Millati oʻzbek . U dastlab ferma ishchisi boʻlib ishlagan va sovet hokimiyati oʻrnatilishi va kollektivlashtirish boshlanishi bilan kolxoz harakatini tashkil etishda faol ishtirok etgan.
Anarov 1927-yilda birinchilardan bo‘lib „Sassik-Unkur“ kolxoziga kirdi. 1936 — 1951-yillarda Aravon tumanidagi „Kommunizm“ kolxoziga rahbarlik qilib, paxta ekini terimida yuqori natijalarga erishdi. Anarov rahbarlik qilgan paxtachilik uchastkasi 1948-yilda rekord darajada hosil oldi. Har gektardan 102,9 sentnerdan paxta olindi. 1949-yilda hosildorlik 88,5 sentnerni, 1950-yilda gektariga 70,5 sentnerni tashkil etdi.
1939-yilda VKP (b) safiga qoʻshilgan, Ulugʻ Vatan urushi yillarida qishloq Soveti raisi boʻlgan. 1958 — 1962-yillarda SSSR Oliy Kengashining 5-chaqiriq va Qirgʻiziston SSR Oliy Kengashining 3 va 4-chaqiriqlari deputati boʻlgan. Oʻsh viloyat, Aravon tuman va qishloq kengashlari deputati etib saylangan. Qirgʻiziston Kompartiyasi Markaziy Qoʻmitasi va Oʻsh viloyat qoʻmitasi aʼzosi, respublika partiya qurultoylari, viloyat va tuman partiya konferensiyalarida delegat boʻlgan.
Yuqori barqaror paxta hosildorligi uchun 1948-yil 26-martdagi SSSR Oliy Soveti Prezidiumining Farmoni bilan unga Lenin ordeni, Oʻroq va Bolgʻa oltin medali va Sotsialistik Mehnat Qahramoni unvoni berildi[1].
1957-yil 20-oktyabrdagi „Sovet Qirgʻiziston“ gazetasida u oʻz xotiralari bilan oʻrtoqlashadi: „… Yaxshi hayot orzusi meni kolxozga yetakladi. Maktabda oʻqish va yozishni oʻrgandim.1936-yilda kolxozchilar menga zvenoni ishonib topshirishdi. Jamoa qo‘llab-quvvatlayotganini his qilib, ilg‘or qishloq xo‘jaligi texnologiyasini dadil joriy qila boshladim. Yildan-yilga dehqonchilik madaniyati yuksaldi, dalalar hosildorligi oshdi. Bir yarim sentner paxta yetishtiriladigan o‘sha joylardan men oladigan hosil 30 sentnerdan, keyin 50 va 60 sentnerdan oshdi…“
Nafaqaga chiqqandan soʻng, yosh paxtakorlarga o‘zining boy hayotiy tajribasini o‘rgatib, ularga murabbiylik qilishda davom etdi.
1979-yil 8-dekabrda vafot etgan. Ko‘k-Jelet qishlog‘idagi „Intifak“ qabristoniga dafn etilgan. Allya Anarov nomi Qirgʻiziston tarixiga oltin harflar bilan yozilgan.
Oilasi[tahrir | manbasini tahrirlash]
Turmush o‘rtog‘i Ibodaxon bilan birga yetti o‘g‘il, ikki qizni voyaga yetkazdi.
Katta akasi Xayitbay (1904 — 1989), Aravon tumani Molotov nomidagi kolxoz raisi, Sotsialistik Mehnat Qahramoni (15.2.1957)[2].
Mukofotlari[tahrir | manbasini tahrirlash]
Ikki karra Sotsialistik Mehnat Qahramoni. 26.03.1948-yil yuqori paxta hosildorligi uchun, 28.04.1951-yil qishloq xoʻjaligini rivojlantirishdagi muvaffaqiyat uchun.
5 karra Lenin ordeni
Qizil yulduz ordeni (06.09.1947)
SSSR VSHV va VDNKhning yirik oltin medallari va koʻplab medallar.
Xotirasi[tahrir | manbasini tahrirlash]
Oʻsh viloyati Aravon tumanidagi Allya-Anarovskaya qishloq hokimligi uning nomi bilan atalgan boʻlib, unga ona vatani Achchi qishlogʻi va Oʻsh shahridagi koʻchalardan biri kiradi[3][4].
1954-yilda „Tsentrnauchfilm“ kinostudiyasida Anarov haqida „Olijanob paxtakor Allya Anarov“ hujjatli filmi suratga olindi[5][6].
Adabiyotlar[tahrir | manbasini tahrirlash]
- Geroi sotsialisticheskix poley. — M., 1957.
- Geroi Sotsialisticheskogo Truda: bibliogr. slov. — M., 2007. — T. 1.
- Kirgizstan: Uluttuk ensiklopediya. — Bishkek: Mamlekettik til jana ensiklopediya borboru, 2006. — T. 1 / Bashki red. Ү. A. Asanov. — ISBN 9967-14-046-1
- Xalturin S. S. Xlopkorob Allya Anarov: (brigadir kolxoza „Kommunizm“ Aravanskogo rayona Kirgizskoy SSR). — Selxozgiz, 1959. — 68 s.
- Vo imya protsvetaniya Kirgizstana: Ensiklopedicheskoe izdanie o vidayuщixsya uzbekax Kirgizstana / Pod ruk. B. J. Juraeva. — Osh: Rizvan, 2017. — 336 s.
Manbalar[tahrir | manbasini tahrirlash]
- ↑ Anarov Allya (1907—1979) // Mnogolikiy Kirgizstan (Wayback Machine saytida 2017-08-06 sanasida arxivlangan) / Sost.: S. R. Abdikadirova S. R. i dr. — Бишкек: OO „MTs Interbilim“, 2016. — S. 13—14.
- ↑ „Указ Президиума Верховного Совета СССР «О присвоении звания Героя Социалистического Труда колхозникам, колхозницам, работникам машиннотракторных станций и совхозов, партийным и советским работникам Киргизской ССР»“. 2016-yil 4-martda asl nusxadan arxivlangan. Qaraldi: 2017-yil 24-iyun.
- ↑ „Trudom svoim koval pochyot“. 2015-yil 18-mayda asl nusxadan arxivlangan. Qaraldi: 2023-yil 25-iyun.
- ↑ „Сайт Алля-Анаровской сельской управы“. 2017-yil 1-iyulda asl nusxadan arxivlangan. Qaraldi: 2017-yil 22-iyun.
- ↑ Filmi Tsentrnauchfilma proizvodstva 1954 goda[sayt ishlamaydi]
- ↑ „документальный фильм «Знатный хлопковод Алля Анаров»“. 2019-yil 10-yanvarda asl nusxadan arxivlangan. Qaraldi: 2017-yil 22-iyun.
Havolalar[tahrir | manbasini tahrirlash]
- Allya Anarov s sinom. Foto 1966 god Arxivnaya kopiya ot 3 avgusta 2017 na Wayback Machine
- Brigadir polevodcheskoy brigadi kolxoza imeni V. M. Molotova, dvajdi Geroy Sotsialisticheskogo Truda A.Anarov peredayot opit raboti kolxoznitsam svoey brigadi Arxivnaya kopiya ot 3 avgusta 2017 na Wayback Machine
- Istoriya Kirgizii Arxivnaya kopiya ot 19 sentyabrya 2013 na Wayback Machine
- Nekrolog