Al-Gʻomama masjidi

Masjid
Al-Gʻomama masjidi مسجد الغمامة
Masjid 2013-yilda
Mamlakat	Saudiya Arabistoni
Hudud	Madina shahri
Joylashuvi	24°27′56.8″N 39°36′25.1″E
Binokorlik	705—712

Al-Gʻomama masjidi (arabcha: مسجد الغمامة) – Saudiya Arabistonining Madina shahridagi eng qadimiy masjidlardan biri. Muhammad 631-yilda hayit namozini oʻqigan joyda joylashgan. Bir muncha vaqt bu masjid Al-Masjid an-Nabaviyga yaqin boʻlgani uchun 5 vaqt namoz uchun yopiq edi.

Manzili

U Masjid an-Nabaviyning As-Salom eshigidan 500 metr gʻarbda joylashgan.

Etimologiyasi

„Gʻomama“ bulut maʼnosini bildiradi va Muhammad bu yerda namoz oʻqiganlarida shaharni yomgʻir bulutlari qoplagani rivoyat qilinadi.

Tarixi

Masjid xalifa Umar ibn Abdulaziz davrida hijriy 86–93-yillar oraligʻida qurilgan. Milodiy 1340-yilda Makka sharifati davrida Sulton Hasan bin Muhammad bin Qalavon Ash-Shalihiy tomonidan taʼmirlangan. 1622-yilda Sharif Sayfuddin Inal Al-Aloiy tomonidan taʼmirlangan.

1859-yilda Usmonlilar davrida Sulton Abdulmajid I davrida yangi asbob-uskunalar yordamida qayta taʼmirlangan va koʻrinishi bugungi kunga ozmi-koʻpmi oʻxshardi. Shundan soʻng Sulton Abdulhamid II davrida va Saudiya hukumati tomonidan qayta taʼmirlangan.

Tavsif

Masjid toʻrtburchak shaklda boʻlib, kirish eshigi va namozxona boʻlgan ikki qismdan iborat. Kirish eshigi ham toʻrtburchak shaklda boʻlib, uzunligi 26 metr, eni 4 metr boʻlib, fasadga beshta gumbazsimon doira chizilgan. Namozxonaning uzunligi 30 metr, kengligi 15 metr boʻlib, doira shaklida oltita gumbazli. Eng katta gumbaz mehrob tepasida joylashgan.

Yana qarang

• Saudiya Arabistonidagi masjidlar ro'yxati
• Masjidlar roʻyxati
• Madinadagi masjidlar ro'yxati