Akkad tili (qad. shahar Akkad nomidan) – mashhur som tillarining eng qad.si. Ikki dialektga – bobil va ossuriy dialektlariga ega, shu bois ko‘pincha u bobil-ossuriy (yoki ossuriy-bobil) tili deb ham ataladi. Akkad tilining ham (boshqa som tillari kabi) o‘ziga xos xususiyati undagi so‘zlar o‘zagi undoshlardan (ko‘pincha uch undoshdan) tashkil topishidir. Unlilar hamda o‘zakka te-gishli bo‘lmagan baʼzi undoshlar gramma-tik munosabatni yuzaga keltiradi va o‘zak umumiy maʼnosini muayyanlashtiradi. Akkad tili yozuvi shumer sillabo-ideografik mixxatiga asoslangan bo‘lib, belgilar ko‘p tovushli xususiyatga ega. Ular soni 500 dan oshib ketadi. Akkad tili mixxat yozuvini 1857 yilga kelib to‘liq o‘qishga muvaffaq bo‘lingan.[1]
