Abduraxmon Rahmatov

Vikipediya, ochiq ensiklopediya
Jump to navigation Jump to search

Abduraxmon Chorshanbiyevich Rahmatov (1932.7.11, Termiz tumani — 1999.8.10, Termiz) — Oʻzbekiston xalq artisti (1985). 1960 yildan Surxondaryo viloyat musiqali drama teatrining aktyori. Murodxonov, Sunnat, Parvoz (H. Gʻulom, "Fargʻona hikoyasi", "Toshbolta oshiq", "Ajab savdolar"), Hoji (Komil Yashin, "Nurxon"), Devona (S. Jamol, "Guli siyoh"), Rustam (U. Umarbekov, "Uliklar kechirmaydi"), Dargʻa (Hamza, "Maysaraning ishi"), Ashuraliyev (A. Qaxdor, "Ayajonlarim"), Mirza (Shuhrat, "Besh kunlik kuyov"), Utkuriy (Uygʻun, "Parvona"), Samandarov (J. Jabborov, "Oʻjarlar"), Vurm (F. Shiller, "Makr va muhabbat"), Borisov (A. Ibrohimov, "Zoʻldir"), Qahxrr (M. Hazratqulov, "Qaytar dunyo"), Yalla bobo (M. Boboyev, "Soʻnmasin chiroq") kabi obrazlarni shu teatrda yaratgan.

R. ijodi qaxramonlari dunyoqarashi mohiyatini, insoniylik fazilatlarini aniq ifodalay olishi bilan ajralib turadi.[1]

Manbalar[tahrir]

  1. OʻzME. Birinchi jild. Toshkent, 2000-yil