Mamarasul Boboyev

Vikipediya, ochiq ensiklopediya
Jump to navigation Jump to search

Mamarasul Boboyev (1911.3.4, Kattaqoʻrgʻon — 1969.23.7, Toshkent) — oʻzbek shoiri. U dastlabki maʼlumotni Navoiy nomli maktabda oldi, Shoir 1927 yilning kuzida Buxorodagi xo‘jalik texnikumiga o‘qishga kirdi. 1934—1938 yillarda Mamarasul Boboev Toshkent davlat pedagogika instituti til va adabiyot fakultegning sirtqi bo‘limini tamomladi. Respublika gazeta, jurnal, nashriyot va Oʻzbekiston Yozuvchilar uyushmasida ishlagan (1947—68). 1939-yilda „Guliston“ jurnalida uning „Ulugʻbek“ nomli tarixiy poemasi bosilib chiqdi. Ulug‘ Vatan urushi shoir uchun sinov yillari bo‘ldi. U 1941-1946 yillarda vatan mudofaasida qatnashib, Eronda xizmat qildi.

„Janubiy nuqtada“ (1953), „Eron daftari“ (1952), „Sadoqat haqida“ (1954) sheʼrlar turkumi va boshqa kitoblari nashr etilgan. „Yoshlik chogʻim — oltin chogʻim“ (1959), „Goʻzallik istab“ (1963) kabi dramalari bor. U rus (M. Lermontov, N. Nekrasov, T. Shevchenko, N. Tixonov, K. Simonov), tatar (M. Jalil), ovar (R. Hamzatov) shoirlari asarlarini oʻzbek tiliga tarjima qilgan. Uning „Eron osmoni ostida“ turkum sheʼrlari horijiy sharq mavzudagi eng yaxshi asarlar sirasiga kiradi.[1]

Sheʼriy toʻplamlari[tahrir]

  • „Vatan shaʼniga“ (1939)
  • „Shodiyona“ (1951)
  • „Sevgan qo‘shiqlarim“ (1959)
  • „Yangra rubob“ (1961)
  • „Ayni yoz“ (1961),
  • „Yuragimning aytganlari“ (1963)

Manbalar[tahrir]

  1. "Boboyev Mamarasul" OʻzME. B-harfi Birinchi jild. Toshkent, 2000-yil

Adabiyotlar[tahrir]

  • Tanlangan asarlar, —2j.lar, T.: 1974-1975.