Abdiqodir eshon madrasasi
 | Bu maqolaga boshqa birorta sahifadan
ishorat yoʻq. (avgust 2024) |
| Madrasa | |
Abdiqodir eshon madrasasi
Muhammad Sharif oxun madrasasi Mambetsherip axun madrasasi qoraqalpoqcha: Abdiqadir iyshan medresesi qoraqalpoqcha: Muxammed Sherip axun medresesi qoraqalpoqcha: Mambetsherip axun medresesi | |
 | |
| Mamlakat |  Oʻzbekiston
|
| Hudud | Qoraqalpogʻiston |
| Maktab yoʻnalishi | Sunniy |
| Binokorlik tashabbuschisi | Erkaboy va Mirzaboy |
| Asosiy sana: XIX asrning I choragi
| |
Abdiqodir eshon madrasasi (mahalliy xalq orasida Muhammad Sharif oxun madrasasi yoki Mambetsherip axun madrasasi nomi bilan mashhur) (qoraqalpoqcha: Abdiqadir iyshan medresesi, qoraqalpoqcha: Muxammed Sherip axun medresesi, qoraqalpoqcha: Mambetsherip axun medresesi) — Qoraqalpogʻiston madrasalaridan biri. Qoʻngʻirot sulolasi davrida Xiva xonligida (hozirgi Qoraoʻzak tumanida) Turkistondan koʻchib kelishgan Erkaboy va Mirzaboylarning mablagʻlari evaziga XIX asrning I choragida bunyod etilgan[1].
Madrasaning soʻnggi mutavallisi Abdusattor oxunning nabirasi Muhammad Sharif oxun (Mambetsherip axun) boʻlgan. Muhammad Sharif oxun 18 yil davomida Xorazm xonlarining oʻgʻillari bilan birga Xiva madrasalaridan birida tahsil olgan. Madrasani bitirganidan soʻng oʻzining ajdodlari madrasasida ilm oʻrgatgan[1].
Ushbu madrasa 3 ta binoning majmuidan tashkil topgan: Doʻngdagi masjid, Oydagi masjid va oshxona. Madrasa binolari bir-biriga nisbatan 50—60 metr uzoqlikda va oshxona ularning orasida joylashgan. Doʻngdagi masjid Oydagi masjidning shimoliy tomonida keyinroq qurilgan. Madrasalarning qurilishi bilan bogʻliq bir nechta afsonalar bizgacha yetib kelgan[1].
Oydagi masjid
[tahrir | manbasini tahrirlash]Oydagi masjid toʻrtburchak shaklida (15x16 metr). Binoning oʻrtasidan janubdan shimolga qarab koridor oʻtgan. Koridorning sharqiy tomonida talabalar yashashi uchun 5 ta hujra joylashgan. Koridorning gʻarbiy tomonida 4 ta xona: darsxona, kutubxona va oxunning yashashi uchun qurilgan xonalar joylashgan. Madrasaning janubiy tomoniga qadab yana bir xona — tavojixona (muridlar tayinlangan xona) qurilgan[1].
Doʻngdagi masjid
[tahrir | manbasini tahrirlash]Doʻngdagi masjid ham toʻrtburchak shaklida boʻlib (19x20 metr), hovli atrofini oʻrab qurilgan 20 ta xonadan tashkil topgan. Darsxona va kutubxona madrasaning janubiy tomonida joylashgan. Informatorlarning soʻslariga koʻra, madrasaning qurilishi paytida bu yerda odamlar yashashgan[1].
Manbalar
[tahrir | manbasini tahrirlash]Adabiyotlar
[tahrir | manbasini tahrirlash]- Карлыбаев М.. Медресе в Каракалпакии XIX — начала XX вв.. Нукус: Билим, 2002 — 84-bet.
 | Bu andozani aniqrogʻiga almashtirish kerak. |