Tatyana Malinina

Tatyana Valerievna Malinina
Shaxsiy maʼlumotlari
Tavallud paytidagi ismi	Татьяна Валерьевна Малинина
Tavallud sanasi	28-yanvar 1973-yil (1973-01-28) Novosibirsk, Rossiya SFSR
Sport
Qaysi sport	figurali uchish
Medallar

Tatyana Valerievna Malinina (1973-yil 28-yanvarda tugʻilgan, Novosibirsk, SSSR) — yakkalik tartibida ishtirok etuvchi oʻzbekistonlik figurali uchuvchisi. Toʻrt qit’a chempionatining birinchi gʻolibi (1999), Gran-pri finali gʻolibi (1999), oʻn karra Oʻzbekiston chempioni (1993—2002),  Oʻzbekiston Respublikasida xizmat koʻrsatgan sportchi (2000).

Tarjimai hol

Tatyana birinchi sportdagi qadamini oʻz otasi Valeriy bilan Novosibirskda figurali uchish boʻyicha shugʻullangan. U 1988-yilda Pervouralsk (Sverdlovsk viloyati) shahriga murabbiysi Igor Ksenofontov qoʻlida figurali uchish boʻyicha mahorat maktabini oʻrganadi. Tatyana ittifoq musobaqalarida ishtirok etib yuradi, SSSR parchalangach, Rossiya tomonidan qanashib turadi. U 1993-yildan Oʻzbekiston sharafini himoya qila boshlaydi. 1994-yildan u toʻpigʻidan ogʻir jarohat olib, bu jarohatdan keyin sogʻligʻini toʻliq tiklay oladi.

Tatyana Malinina 1998-yilning boshlarida Oʻzbekistonda elementar sharoit boʻlmagani tufayli (muz topish amrimahol edi) Pervouralskda shugʻullana boshlaydi. Xuddi shu yili Igor Ksenofontov boshchiligidagi Oʻzbekistonning bir guruh  figurachilari Deyl-Sitida (Virjiniya, AQSH) yetib kelishadi. 1998—1999-yillarda Tatyana uchun muvaffaqiyatli mavsum boʻladi. U NHK Trophy (1998, Sapporo) Gran-pri turniri qismida, keyin final qismida (Sankt-Peterburg, 1999) gʻolibi boʻldi, unda ikki boʻlajak jahon chempionlari Mariya Butirskaya (1999) va Irina Sluskayalar (2002,2005) shohsupaning ikkinchi va uchinchi pogʻonasida qolib ketishadi. Xuddi shu mavsumda toʻrt qit’a chempionatining (Galifaks,1999) birinchi gʻolibi boʻldi, IV qishki Osiyo oʻyinlarida (Kanvondo, 1999) oltin medalni olishga muvaffaq boʻladi.

Tatyana murabbiysining vafotidan keyin turmush oʻrtogʻi Roman Skornyakov boshchiligida musobaqalarga tayyorgarlik koʻra boshladi. U Solt-Leyk-Sitidagi (2002) Olimpiya oʻyinlarida ishtirok etayotganida qattiq shamollagani sababli qisqa dasturdan soʻng musobaqani tark etishga majbur boʻladi. Jahon chempionatidan soʻng 15-oʻrinni egallab, havaskorlik faoliyatini tugatadi.

Shahsiy hayoti

Tatyana 2000-yilda Roman Skornyakovga (oʻzbekistonlik figurachi) turmushga chiqadi. Bu juftlikdan oʻgʻli Ilya (2004-yil tugʻilgan) va  qizi Yelizavetalar (2015-yilda tugʻilgan) dunyoga kelgan. Tatyana sport faoliyatini tugatgach, turmush oʻrtogʻi Roman Sornyakov bilan birga figurali uchish boʻyicha Deyl-Sitida (AQSH, Virjiniya) murabbiylik qilishadi. Bugungi kunda bu juftliklar Reston shahrida (AQSH, Virjiniya) oʻz faoliyatlarini davom ettirishmoqda. Uning oʻgʻli Ilya oʻsmirlar oʻrtasida jahon chempioni, oʻsmirlar oʻrtasidagi figurali uchish boʻyicha uch karra AQSH chempioni hisoblanadi. U 2022-yilda jahon chempionatida ilk marta ishtirok etib, 9-oʻrinni egallaydi.

Musobaqa	1992–1993	1993–1994	1994–1995	1995–1996	1996–1997	1997–1998	1998–1999	1999–2000	2000–2001	2001–2002
Qishki Olimpiya o'yinlari						8				WD
Jahon chempionatlari	37	21	22	13	17	14	4	18	13	15
To'rt qit'a chempionati							1	7	4	10
Qishki Osiyo o'yinlari				2			1
O'zbekiston chempionati	1	1	1	1	1	1	1	1	1	1
Gran-pri finali							1		5	6
Skate America							5
Sparkassen Cup								4	3	6
NHK Trophy		10	7	9	8	7	1	3	3	1
Golden Spin of Zagreb						1

Havolalar

• Tatiana Malinina 
• Kubatko, Justin. „Tatiana Malinina Biography and Olympic Results“. Olympics at Sports-Reference.com. 2012-yil 25-oktyabrda asl nusxadan arxivlangan. Qaraldi: 2022-yil 5-iyul.