Sulaymon Baqirgʻoniy majmuasi
| Sulaymon Baqirgʻoniy majmuasi | |
|---|---|
| Umumiy maʼlumot | |
| Turi | Majmua |
| Manzili | „Hokim ota“ OFY, Doʻstlik qishlogʻi |
| Shahar | Qoʻngʻirot |
| Mamlakat | Qoraqalpogʻiston |
| Koordinatalar | 43°18′00″N 58°56′15″E / 43.299881460190456°N 58.93760817861353°E G OKoordinatalari: 43°18′00″N 58°56′15″E / 43.299881460190456°N 58.93760817861353°E G O |
| Qurilishi boshlangan | XII asr |
| Qurilishi tugagan | XX asr |
| Egasi | Davlat mulkiga tegishli |
 Sulaymon Baqirgʻoniy majmuasi xaritada | |
Sulaymon Baqirgʻoniy majmuasi (yoki Hokim ota maqbarasi) — Qoraqalpogʻiston Respublikasining Qoʻngʻirot shahridagi „Hokim ota“ ovulida joylashgan ziyorat majmuasi. Majmua Ahmad Yassaviyning birinchi shogirdlaridan biri boʻlgan Sulaymon Baqirgʻoniy sharafiga XII-XIII asrlarda bunyod etilgan[1].
Ziyorat majmuasi Oʻzbekiston Respublikasi Vazirlar Mahkamasining qarori bilan 2019-yil 4-oktyabrda Moddiy madaniy merosning koʻchmas mulk obyektlari milliy roʻyxatiga kiritilgan va davlat muhofazasiga olingan[2]. Hozirda Qoraqalpogʻiston Respublikasi Madaniy meros boshqarmasi operativ boshqaruv huquqi asosida davlat mulki hisoblanadi va „Vaqf“ xayriya jamoat fondiga tekin foydalanish shartnomasi asosida biriktirilgan[3].
Qurilish tarixi[tahrir | manbasini tahrirlash]
Ahmad Yassaaviyning shogirdi, shu bilan birga, Zangi otaning ustozi ham boʻlgan Sulaymon Boqirgʻoniyning qabri ustida XII—XIII, XIV hamda XVI asrlar davomida, soʻnggi marta esa Xiva xoni Olloqulixon tomonidan XIX asrda maqbara bunyod etilgan. Majmua Moʻynoq tumanining janubiy qismida joylashgan. Bu ziyoratgoh majmuasiga Oʻzbekiston Vazirlar Mahkamasining 2019-yil 16-yanvar kuni qabul qilingan „Qoraqalpogʻiston Respublikasining Moʻynoq tumanini kompleks ijtimoiy-iqtisodiy rivojlantirish chora-tadbirlari toʻgʻrisida“gi 37-sonli qarori asosida 11 mlrd soʻmdan ortiq mablagʻ ajratilgan. 2019—2021-yillarda ajratilgan mablagʻ hisobidan majmuani taʼmirlash, baʼzi qismlarini qayta tiklash, obyektni ziyorat majmuasiga aylantirish va obodonlashtirish ishlari olib borilgan.
Majmua yonida alohida kutubxona ham tashkil qilingan boʻlib, kitoblar orasida Sulaymon Baqirgʻoniyning tarixi yoritilgan kitob ham bor. Kelgan mehmonlarga bu kitobdan bittadan sovgʻa qilish odati ham mavjud[4].
2022-yil 3-oktyabr kuni Oʻzbekiston Respublikasi Turizm va madaniy meros vazirligi, Qoraqalpogʻiston Respublikasi Vazirlar Kengashi, Oʻzbekiston Fanlar Akademiyasi, Qoraqalpoq gumanitar fanlar ilmiy-tadqiqot markazi va Berdaq nomidagi Qoraqalpoq davlat universiteti hamkorligida Sulaymon Baqirgʻoniy tavallud topganining 900 yilligiga bagʻishlangan xalqaro anjuman boʻlib oʻtgan. Anjuman davomida bir guruh olimlar Sulaymon Baqirgʻoniy majmuasini ziyorat qilishgan[5].
Manbalar[tahrir | manbasini tahrirlash]
- ↑ „Қалбларни юпатувчи чўпон“ (uz). uz.fergana.ru. Qaraldi: 2023-yil 27-oktyabr.
- ↑ „Тарихий, бадиий ёки ўзга маданий қимматлилиги туфайли гаров ва ипотека қўлланилиши мумкин бўлмаган объектлар рўйхати (ЎзР ВМ 05.12.2014 й. 335-сон қарорига илова) | Majburiyatlar va shartnomalar toʻgʻrisidagi umumiy qoidalar | Oʻz kuchini yoʻqotgan hujjatlar | Fuqarolik va oila qonunchiligi | OʻzR KonunchiligiMaʼlumotlar tizimi „Tarixiy, badiiy yoki oʻzga madaniy qimmatliligi tufayli garov va ipoteka qoʻllanilishi mumkin boʻlmagan obʼektlar roʻyxati (OʻzR VM 05.12.2014 y. 335-son qaroriga ilova)“ | NRM.uz“. nrm.uz. Qaraldi: 2023-yil 27-oktyabr.
- ↑ „MODDIY MADANIY MEROSNING KO‘CHMAS MULK OBYEKTLARI MILLIY RO‘YXATINI TASDIQLASH TO‘G‘RISIDA“. 2023-yil 13-oktyabrda asl nusxadan arxivlangan. Qaraldi: 2023-yil 27-oktyabr.
- ↑ „Rost24 - Qoraqalpog`istonda albatta borish kerak bo`lgan besh manzil“ (oz). Rost24. Qaraldi: 2023-yil 27-oktyabr.
- ↑ „Nukusda Sulaymon Boqirgʻoniy tavalludining 900 yilligiga bagʻishlangan xalqaro anjuman boʻlib oʻtdi“ (uz-Latn). Газета.uz (2022-yil 3-oktyabr). Qaraldi: 2023-yil 27-oktyabr.