Shaxboks

Vikipediya, ochiq ensiklopediya
Schachboxen1.jpg
Schachboxen2.jpg
Schachboxen3.jpg

Shaxboks shaxmat va boks qoʻshilishidan tashkil topgan gibrid sport turidir. Bunda ikki ishtirokchi orasida bir raund shaxmat, bir raund boks oʻynaladi. Shaxboks rasman 2003-yildan beri oʻtkazib kelinmoqda.

Tarixi[tahrir]

Shaxboks gʻoyasi Enki Bilalning Froid-Équateur romanida (1992) paydo boʻldi. Golland Iepe Rubingh bu gʻoyani 2001-yilda hayotga tadbiq etdi.[1] 2003-yili Jahon Shaxboks Tashkiloti (WCBO) tuzildi va Amsterdamda birinchi jahon chempionati oʻtkazildi (Iepe Rubinghning oʻzi gʻolib chiqdi).[2] Shaxboks boʻyicha birinchi Yevropa chempionati 2005-yili Berlinda oʻtkazildi, unda bolgariyalik Tihomir Atanassov Dovramadjiev birinchi oʻrinni egalladi.

2008-yil aprelida Xalqaro Shaxmat Federatsiyasi (FIDE) rahbari Kirsan Ilyumjinov ham shaxboks matchida qatnashib koʻrdi.[3]

Qoidalari[tahrir]

Jang 11 raund davom etadi. Toq raundlar — shaxmat, juft raundlar — boks uchun. Raundlar orasida 1 daqiqalik tanaffus beriladi. Shaxmat raundlari 4, boks raundlari 3 daqiqa davom etadi. Gʻalabaga nokaut, texnik nokaut yoki mot orqali erishiladi. Bulardan hech biri yuz bermasa, gʻolib ochkolar boʻyicha aniqlanadi.

Manbalar[tahrir]

Havolalar[tahrir]