Saydaziz Saydaliyev
| Saydaziz Saydaliyev | |
|---|---|
 Saydaliyev Saydaziz „SPORTS UZ“ Youtube kanali bilan podkastda | |
| Tavalludi |
24-may 1987-yil |
| Fuqaroligi |
 Oʻzbekiston |
| Kasbi | sport murabbiyi |
| Dini | islom |
Saydaziz Saydaliyev Saidaglamovich[1][izoh 1] (shuningdek, Saidaziz Medgorodok nomi bilan tanilgan) — oʻzbekistonlik sobiq bokschi, SaidalievTeam aralash yakkakurash sport klubi asoschisi. „Medgorodok“ jinoiy toʻdasi sardori[2]. Tadbirkorlarning qarzdorlardan haqqini kuch yoʻli bilan maʼlum bir ulush evaziga undirib berishi bilan mashhur[3]. Oʻzbekiston jinoyat olamidagi taniqli shaxslardan biri[4].
Hayoti[tahrir | manbasini tahrirlash]
Saydaziz Saydaliyev 1987-yilning 24-may sanasida Toshkent viloyatining Zangiota tumanida tavallud topgan. Tibbiyot shaharchasi (xalq orasida Medgorodok)da istiqomat qilishi bilan tanilgan. Manbalarga koʻra, 2018-yilning 26-noyabr sanasida, Toshkent savdo majmuasi yaqinida Murod Xontoʻrayevga yetkazilgan tan jarohati ortidan jinoyat olamida shuhrat qozongan[1]. Saidazizning mashhurlar orasidan tadbirkor, Oʻzbekiston Milliy Olimpiya qoʻmitasi vitse-prezidenti Salim Abduvaliyev, diniy bloger Abror Muxtor Aliy bilan yaqin aloqalari borligi taʼkidlanadi[1].
Saydaziz Saydaliyev haqida bloger Abror Muxtor Aliy shunday degan:
Saidaziz — eng yaqin „bratishkam“. Qonga qon, jonga jon. Eng yaqin, fidoiy oʻrtoq-ukam. Saidaziz uchun turib beraman, u ham men uchun turib beradi. Yana nima kerak?[1]
Sudlanishi[tahrir | manbasini tahrirlash]
„Saidaziz Medgorodok“ 2023-yilning 2-dekabr kuni Toshkent shahrida Jinoyat kodeksining 165-moddasi („Tovlamachilik“) bilan qoʻzgʻatilgan jinoyat ishi boʻyicha qoʻlga olingan[5]. Keyinchalik, u va u bilan birin-ketin hibsga olingan „Baxti Tashkentskiy“(Baxtiyor Qudratillayev, 3-dekabr)[6] va „Salimboy“lar (Salim Abduvaliyev; 12-dekabr)[7] ozodlikka chiqqani haqidagi ma'lumotlar tarqaladi. Biroq, bu xabarlar soxta ekanligi hamda ular hibsda ekanligi rasmiy manbalar orqali tasdiqlangan[8].
Izohlar[tahrir | manbasini tahrirlash]
- ↑ Manba sifatida keltirilgan „Eltuz“ videosidagi rasmiy hujjatda ismi shu tartibda yozilgan.
Manbalar[tahrir | manbasini tahrirlash]
- ↑ 1,0 1,1 1,2 1,3 „Salimboy «Saidaziz Medgorodok»ni Toshkent smotryashiysi qilishga urinmoqda“. You tube. Qaraldi: 23-aprel 2024-yil.
- ↑ „“Ko‘chalar”ga qarshi maxsus operatsiya Saidaziz “Medgorodok” va Baxti “Tashkentskiy” o‘rtasidagi nizo sabab boshlanganmi?“. vodiy24.uz. Qaraldi: 23-aprel 2024-yil.
- ↑ „“Sayidaziz medgorodok” qamoqqa olindi“. aniq.uz. Qaraldi: 23-aprel 2024-yil.
- ↑ „Toshkentda “Saidaziz medgorodok” laqabi bilan tanilgan Saidaziz Saidaliyev qo‘lga olindi“. gazeta.uz. Qaraldi: 23-aprel 2024-yil.
- ↑ „“Sayidaziz medgorodok” qamoqqa olindi“. platina.uz. Qaraldi: 23-aprel 2024-yil.
- ↑ „«Бахти Ташкентский» лақаби билан танилган Бахтиёр Қудратуллаев қўлга олинди“. gazeta.uz. Qaraldi: 23-aprel 2024-yil.
- ↑ „“Salimboy” qo‘lga olindi. IIBB ma’lumotlarni ochiqladi“. daryo.uz. Qaraldi: 23-aprel 2024-yil.
- ↑ „Salimboy va “Saidaziz medgorodok” qo‘yib yuborilgani haqidagi xabarlar rad etildi“. daryo.uz. Qaraldi: 23-aprel 2024-yil.