Raphaël Varane

Vikipediya, ochiq ensiklopediya
Rafael Varan
Raphaël Varane in Real Madrid.jpg
Shaxsiy maʼlumot
Toʻliq ismi Raphaël Varane
Tavallud sanasi 25-aprel, 1993 (1993-04-25)
(20 yoshda)
Tavvalud joyi    Lil, Fransiya bayrogʻi Fransiya
Boʻyi 191 sm
Laqab "Don Limpio" (Janob toza oʻyin)
Ampluasi himoyachi
Klub ma'lumoti
Joriy klub Flag of Spain.svg Real Madrid
Raqami 2
Yoshligida aʼzo boʻlgan klublar
2002—2010 Lans
Professional klublar1
Yillar Klub Isht. (Gollar)*
2010—2011
2011 — hz.
Lans
Real Madrid
23 (2)
9 (1)   
Milliy terma jamoa
2010—2011
2011-
Fransiya U-18
Fransiya U-21
2 (1)
9 (1)

1 Professional klublardagi gollari
(ichki chempionat) uchun.
* Ishtiroklari (Gollari)


Rafael Varan (frans. Raphaël Varane; 25-aprel 1993, Lil, Fransiya) — fransiyalik futbolchi, Ispaniyaning „Real Madrid“ jamoasi oʻyinchisi. Markaziy himoya chizigʻida oʻynaydi, lekin u erkin himoyachi va tayanch yarim himoyachi chizigʻida ham oʻynay oladi. Fransiyaning yoshlar terma jamoasi safida toʻp suradi.

Jamoadagi faoliyati[tahrir]

"Lans"[tahrir]

2010-yil 6-noyabrda „Lans“ning asosiy jamoasiga „Monpelye“ jamoasiga qarshi oʻyinga chaqirildi. U hafta davomida jamoa bilan birgalikda mashgʻulot olib bordi va asosiy tarkibdagi markaziy himoyachi Allaydin Yaxya jarohat olganligi sababli Varan asosiy tarkibda maydonga tushdi. U oʻsha oʻyinda 90 daqiqa harakat qildi va jamoasi 2:0 hisobida gʻalaba qozondi. Keyingi ikki „Marsel“ va „Lil“ bilan boʻlgan uchrashuvlarda Varan boshqa yosh oʻyinchilar qatorida zahira oʻrindigʻida oʻtirishga majbur boʻldi.

"Real Madrid"[tahrir]

Varan Real Madrid tarkibida.

Uchta yarim himoyachi bilan shartnoma imzolagandan soʻng, „Real Madrid“ himoya chizigʻini ham kuchaytirish uchun yosh fransuz Rafael Varan bilan shartnoma imzoladi. 2011-yil 27-iyunda Varan „Real“ bilan 6-yillik shartnoma imzoladi.

2011/12 mavsum[tahrir]

Varan Ispaniya chempionatidagi debyutini „Rasing“ga qarshi kechgan oʻyinda nishonladi. U 90 daqiqa harakat qildi va oʻyin 0:0 hisobida tugadi. Keyingi „Rayo Valekano“ bilan boʻlgan oʻyinda ham Varan asosiy tarkibda maydonga tushib, 90 daqiqa harakat qildi va 67-daqiqada oʻzining „Real“ safidagi birinchi golini kiritdi. Oʻsha oʻyin 6:2 natijasi bilan „Real“ foydasiga hal boʻldi. Ispaniya chempionatida u jami 9 ta oʻyinda ishtirok etdi, 7 marta oʻyinni toʻliq oʻtkazdi va 2 marta oʻyinning oʻrtalarida oʻyinga tushdi. U birorta ham kartochka olmadi. Chempionlar ligasida Varan 4 ta oʻyinda ishtirok etdi: 3 tasi guruh bosqichida va 1 tasi yarim final oʻyinida. Ispaniya kubogida Rafael jami 2 ta oʻyinda maydonga tushib, bitta gol urishga muvaffaq boʻldi.

Terma jamoadagi faoliyati[tahrir]

Varan 17 yoshgacha Fransiya terma jamoasiga chaqirilgan, lekin u rasmiy oʻyinlarda ishtirok etmagan. 2010-yil 24-avgustda u 18 yoshgacha Fransiya terma jamoasi safida Daniyaga termasiga qarshi birinchi marta oʻyinga tushdi. U oʻzining debyut oʻyinida oʻz goli bilan jamoasiga yordam bera oldi[1]. 2011-yil 3-fevralida u Fransiya yoshlar terma jamoasiga Slovakiya bilan boʻladigan oʻyin uchun tarkibga chaqirildi[2]. U bu chaqiruvni oʻzi uchun katta syurpiz boʻldi deb izoh berib oʻtdi[3]. U slovaklarga qarshi oʻyinda 90 daqiqa harakat qildi, oʻyinning soʻnggida fransuzlar 3:1 hisobida gʻalaba qozonishdi[4].

21 yoshgacha Yevropa chempionati[tahrir]

Varan 2013-yilda oʻtadigan yoshlar oʻrtasidagi Yevropa chempionati saralash bahslarida Latviya yoshlar terma jamoasiga qarshi kechgan uchrashuvda debyut qildi. Fransiya 3:0 hisobida gʻalaba qozondi. Xuddi shu hisob bilan Ruminiya yoshlar terma jamoasi ustidan gʻalaba erishdi. Shuningdek, Varan mehmonda oʻtgan Ruminiyaga qarshi kechgan uchrashuvda, Qozogʻiston yoshlar terma jamoasi bilan oʻtgan va Slovakiya yoshlar terma jamoasiga qarshi kechgan uchrashuvlarda ishtirok etdi. Soʻnggi oʻyinda u gol urishga erishdi. Shundan soʻng, fransuzlar yana bir marta Latviya yoshlar termasini oʻz maydonlarida yana 3:0 hisobida magʻlubiyatga uchratishdi.

Birinchi terma jamoa[tahrir]

2012-yil 9-avgust kuni Varan Fransiya terma jamoasining Urugvay terma jamoasiga qarshi kechuvchi oʻyinida qatnashadigan oʻyinchilar roʻyxatiga birinchi marta qoʻshildi. Bosh murabbiy Didye Deshamp Varan bilan birgalikda klubdoshi Karim Benzemani ham oʻyin roʻyxatiga kiritgan edi[5].

Erishgan natijalari[tahrir]

Jamoada[tahrir]

Statistika[tahrir]

2012-yil 5 may holatiga.

Jamoa Mavsum Liga Kubok Yevropkubok Jami
G TU G TU G TU G TU
Flag of France.svg Lans 2010/11 23 2 0 1 0 0 0 0 0 24 2 0
"Lans"dagi jami 23 2 0 1 0 0 0 0 0 24 2 0
Flag of Spain.svg Real Madrid 2011/12 9 1 0 2 1 0 4 0 1 15 2 1
"Real"dagi jami 9 1 0 2 1 0 4 0 1 15 2 1
Faoliyatida jami 32 3 0 3 1 0 4 0 1 39 4 1

Izohlar[tahrir]

  1. "Des débuts victorieux (2-0)". Fédération française de football. 24.08.2010. http://www.fff.fr/selections/m18ans/actualite/534518.shtml. 
  2. "Kakuta et Varane avec les Espoirs". FIFA. 03.02.2011. http://fr.fifa.com/worldfootball/news/newsid=1376567.html. 
  3. "Varane: "Une énorme surprise"". Fédération française de football. 08.02.2011. http://www.fff.fr/selections/espoirs/actualite/536376.shtml. 
  4. "France 3–1 Slovaquie". Fédération française de football. 08.02.2011. http://www.fff.fr/servfff/fiche_joueur_new/match.php?id_match=1357. 
  5. "Varane called up to the French national team for the first time". Real Madrid rasmiy sayti. 09.08.2012. http://www.realmadrid.com/cs/Satellite/en/Actualidad_Primer_Equipo_en/1193040487639/1330112812167/noticia/Noticia/Varane_called_up_to_the_French_national_team_for_the_first_time.htm?utm_source=dlvr.it&utm_medium=twitter. 

Havolalar[tahrir]