Nagoya

Vikipediya, ochiq ensiklopediya

Nagoya (Yapon tilida: 名古屋市, Nagoya-shi) Yaponiyaning uchinchi katta shahridir. Xonsyu orolida, Ise qoʻltigʻi sohilida joylashgan. Aichi viloyatining poytaxti boʻlgan ushbu shaharning porti Yaponiyaning Tokio, Osaka, Kobe, Yokohama, Chiba va Hakatadagi katta portlari bilan tenglashadi. Shu bilan birga Yaponiyaning uchinchi katta metropoliteti Chuukyou metropolitenining markazida joylashgandir. 2000nchi yil statistik maʼlumotlarga koʻra Chuukyou metropoliteni 8.74 million aholiga ega boʻlgan boʻlsa shundan 2.17 millioni Nagoya shahrida yashagan. Mashinasozlikning turli sohalari (jumladan, elektrotexnika, radioelektronika, kemasozlik, avtomobilsozlik, aniq priborsozlik va boshqalar), qora va rangli metallurgiya, neft kimyosi rivojlangan. Toʻqimachilik (jun va sunʼiy gazlamalar ishlab chiqarish), oziq-ovqat, poligrafiya, farfor-keramika sanoati korxonalari mavjud. Universitet, botanika bogʻi, muzeylar, metropoliten bor. Meʼmoriy yodgorliklardan Atsuta ibodatxonasi (mil. boshlarida qurilgan), qasr (1612), Tofukudzi ibodatxonasi (735) saqlangan. [1]


Manbalar[tahrir]

  1. OʻzME. Birinchi jild. Toshkent, 2000-yil