Kolorado (daryo)

Vikipediya, ochiq ensiklopediya

Kolorado — AQShdagi daryo, quyi qismi Meksika hududidan oqadi. Oʻz. 2740 km (Grin-River irmogʻi bilan 3200 km), havzasining mayd. 635 ming km2. Qoyali togʻlardan boshlanib, Tinch okeanning Kaliforniya qoʻltigʻiga quyiladi. Yuta va Arizona shtatlarining chala choʻl va choʻlli hududlaridan oqadi. Kolorado platosini kesib oʻtishda umumiy oʻz. 800 km gacha boʻlgan chuqur kanonlarni hosil qiladi, jumladan, jahondagi eng yirik kanonlardan biri — Katta Kanon ham oʻsha yerda. Yirik irmoqlari — Grin-River, San-Xuan, Litl-Kolorado, Xila. Daryo Koyali togʻlardagi qorlardan toʻyinadi, aprel—iyul oylarida toʻlib oqadi, koʻz va qishda kamsuv. Oʻrtacha suv sarfi 508 m3/sek., quyi oqimida AQShning Kaliforniya sohillaridagi shaharlarini suv bilan taʼminlash va irrigatsiya maqsadlarida ishlatilishi natijasida suvi kamayib ketadi. K.da yirik suv omborlarini yuzaga keltirgan Glen-Kanon-Dam va Guver toʻgʻonlari, GES lar qurilgan. Quyilish joyidan 228 km masofada kema katnaydi.[1]

Manbalar[tahrir]

  1. OʻzME. Birinchi jild. Toshkent, 2000-yil