ʻ (belgi)

Vikipediya, ochiq ensiklopediya
Okina. Bu belgining Yunikoddagi kodi 02BB dir.

ʻ — lotin alifbosida yoziladigan tillarda ishlatiladigan belgi. Koʻp tillarda fonetik ayirishni ifodalaydi. Bu belgini okina yoki yakka qoʻshtirnoq belgisi bilan ifodalash mumkin.

Oʻzbek lotin yozuvida ishlatilishi[tahrir]

Oʻzbekiston Davlat Sanʼat muzeyi binosi oldida okinaga oʻxshagan belgi bilan yozilgan Navroʻz tabrigi

Oʻzbek tilida“ (kirill yozuvida „Ў“) va „“ (kirill yozuvida „Ғ“) harflarini yozishda yoki okina (ʻ) (U+02BB), yoki bir belgili (yakka) qoʻshtirnoq () (U+2018) qoʻllaniladi. Qaysi belgi ishlatilishi kerakligi rasman belgilanmagan. Oʻzbekcha Vikipediya va boshqa baʼzi bir saytlarda okina ishlatiladi.[1] Ayrim davlat saytlari boʻlsa bir belgili qoʻshtirnoqni ishlatishadi.[2] Asosiysi ishlatilgan belgi chiziqdan yoqorida yozilgan ammo teshigi boʻyalgan 6 raqamiga oʻxshashi kerak (6). Koʻp shriftlarda bu 180 gradusga aylantirilgan vergulga oʻxshaydi.

Oʻzbek tilida okina yoki bir belgili qoʻshtirnoq tutuq belgisi oʻrnida ishlatilmasligi kerak: tutuq belgisi kirill yozuvidagi ayirish belgisi („Ъ“) oʻrnida qoʻllaniladi.

Oʻzbekcha Vikipediyada“ va „“ harflarini yozganda apostrofdan qoʻllanib, ketidan tahrir oynasining ostida joylashgan vikifikator funksiyasi ishlatilsa kerakli joylarda apostroflar okina yoki tutuq belgisi bilan almashtiriladi.

Misollar[tahrir]

Misol soʻzlar: gʻalati, oʻzbek; ammo maʼno, aʼlo.

Muammolar[tahrir]

Okinani ishlatish koʻp qiyinchiliklar tugʻdiradi. Birinchidan, yuqorida aytib oʻtilganidek, okina yoki yakka qoʻshtirnoq ishlatish kerakligi haqida rasmiy qonun yoʻq. Ikkinchidan, komputerlarda okina uchun alohida klavisha yoʻq. Uni (U+02BB) kodi bilan Windowsda topish mumkinligi hamma ham bilmaydi.

Okina bilan yana bir muammo hozirda aksar mobil telefonlardan kirib Oʻzbekcha Vikipediya sahifalari ochilsa okinaning oʻrniga toʻrtburchak chiqadi. Yaʼni, koʻp telefonlar okina belgisini koʻrsatib bera olmaydi. Bir belgili (yakka) qoʻshtirnoqni boʻlsa telefonlar koʻrsata oladi.

Shuningdek qarang[tahrir]

Manbalar[tahrir]