Yaroslav Jeleznyak
Yaroslav Ivanovich Jeleznyak | |
 | |
| Shaxsiy maʼlumotlari | |
|---|---|
| Tavalludi |
20-oktyabr 1989-yil Mariupol, Donetsk viloyati, Ukraina SSR, SSSR |
| Siyosiy partiyasi | Golos |
| Taʼlim | Taras Shevchenko nomidagi Kiyev Milliy universitetining Xalqaro munosabatlar instituti |
| Kasbi | iqtisodchi |
Yaroslav Ivanovich Jeleznyak (ukraincha: Железняк Ярослав Іванович, 1989-yil 20-oktyabr, Mariupol) — ukrainalik iqtisodchi, 2017-yildan Ukraina Bosh vaziri Vladimir Groysmanning parlament masalalari boʻyicha maslahatchisi, Kiyev Iqtisodiyot maktabi oʻqituvchisi. „Golos“ partiyasidan 9-chaqiriq Ukraina xalq deputati[1].
Biografiyasi[tahrir | manbasini tahrirlash]
Yaroslav Jeleznyak 1989-yil 20-oktyabrda Donetsk viloyati, Mariupol shahrida tugʻilgan[2]. 2009-yilda Ukraina Oliy Radasi yuridik institutida tahsil olgan[1]. 2013-yilda Taras Shevchenko nomidagi Kiyev Milliy universitetining Xalqaro munosabatlar institutini tamomlagan. Mutaxassisligi „Xalqaro biznes“, magistr[3]. 2009-yildan 2014-yilgacha Kesarev Consulting kompaniyasida davlat masalalari boʻyicha katta maslahatchi lavozimida ishlagan[3]. 2014—2015-yillarda Anheuser-Busch Inbev kompaniyasining hukumat ishlari boʻyicha maslahatchisi[2]. Yaroslav Jeleznyak Kiyev Iqtisodiyot maktabida dars beradi, „Innovatsion demokratiya agentligi“ nodavlat tashkiloti rahbari va PolitEyes loyihasi hammuassisi[1].
Siyosiy faoliyati[tahrir | manbasini tahrirlash]
Oliy Radaning 8-chaqiriqida Jeleznyak Samopomich partiyasidan xalq deputati Viktoriya Ptashnikning ommaviy yigʻilishlarida yordamchisi va maslahatchisi boʻlgan va 6-chaqiriqda Mintaqalar partiyasidan xalq deputati Aleksey Plotnikov uchun ham xuddi shunday ishni bajargan[2]. 2015-yilda Ukraina Iqtisodiy rivojlanish va savdo vaziri Aivaras Abromavičiusning hukumat va parlament aloqalari boʻyicha maslahatchisi boʻlib ishlagan. 2016-yil Ukrainada islohotlarni qoʻllab-quvvatlash boʻyicha strategik maslahat guruhi (SAGSUR) maslahatchisi[3], 2017-yilda esa Bosh vazirning parlament bilan aloqalar boʻyicha maslahatchisi. 2019-yilda parlament saylovlarida „Golos“ partiyasidan gʻalaba qozongan (roʻyxatda 4-oʻrin)[2]. „Golos“ partiyasining qonunchilik ishlari boʻlimi boshligʻi. Kiyevda yashaydi[2]. „Golos“ partiyasining parlamentdagi fraksiyasi raisi oʻrinbosari[1]. Moliya, soliq va bojxona siyosati qoʻmitasi raisining birinchi oʻrinbosari. Milliy parlament guruhining Parlamentlararo ittifoqdagi doimiy delegatsiyasi aʼzosi. Yaponiya bilan parlamentlararo aloqalar guruhi hamraisi. Avstraliya bilan parlamentlararo aloqalar guruhi hamraisi[1]. 2022-yil avgust oyida deputat hukumat barcha import qilinadigan tovar va xizmatlarga 10 foizlik qoʻshimcha soliq toʻlash toʻgʻrisidagi qonun loyihasini tayyorlayotganini maʼlum qiladi.